सामूहिक हत्यामा संलग्न आरोपमा प्रहरीले एक जनालाई पक्राउ गर्यो ।

काठमाडौँ,२४ कार्तिक । मुगुको छाँयानाथ रारा नगरपालिकामा भएको सामूहिक हत्या मा संलग्न आरोपमा प्रहरीले एक जनालाई पक्राउ गरेको छ । उच्च प्रहरी स्रोतका अनुसार पक्राउ पर्नेमा गोरखराज शाही ठकुरी छन् । पक्राउ गरिएको आरोपितको नाम प्रहरीले औपचारीकको रुपमा सार्वजनिक गरेको छैन । उनी मृतक परिवारका आफन्त हुन् । प्रहरी स्रोतका अनुसार ठकुरी छाँयानाथ रारा नगरपालिका वडा नम्बर–७ पिनागाउँका स्थानी हुन् ।
कार्तिक १० मा छाँयानाथ रारा नगरपालिका–६ मन्दु गाउँकी २८ वर्षीय श्रीदेवी बोहरा र ३ जना छोराछोरी मृत भेटिएका थिए । सो घटना अनुसन्धान गर्न केन्द्रीय अनुसन्धान ब्यूरोबाट डीएसपी धर्मराज भण्डारी नेतृत्वको टिमलाई मुगु पठाइएको छ ।

Advertisement

छाँयानाथ रारा नगरपालिका–६ मन्दु गाउँकी २८ वर्षीय श्रीदेवी बोहरा, उनका छोरा ११ वर्षीय मनोज, ८ महिनाका अर्का छोरा रहर र ८ वर्षीय छोरी अप्सरा बोहरालाई धारिलो हतियार प्रहार गरेर हत्या गरेको प्रहरीको अनुसन्धान निष्कर्ष छ । घटनाबारे शुक्रबार पत्रकार सम्मेलन गरेर सार्वजनिक गर्ने प्रहरीको तयारी छ । सामूहिक हत्यापछि आरोपितले ढोकामा ताला लगाएर हिँडेका हुन् । श्रीदेवी बोहराको मोबाइल घटनास्थलमा भेटिएको छैन ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |