हतियारसहित आएका एक व्यक्तिले दिन दहाडै लुटे सुन पसल

काठमाण्डौ,१९ माघ । हतियारसहित आएका एक व्यक्तिले शुक्रबार दिउँसो इटहरीको एक सुन पसलबाट सुन लुटेर लगेका छन्। माक्स लगाएर आएका एक पुरुषले मध्यान्ह १२ बजेतिर इटहरी वडा नं. ९ मा दिपेन्द्र चोकमा सञ्चालित महालक्ष्मी गहना पसलबाट झन्डै तीन तोला सुन लुटेर लगेका हुन्।

सुन पसल सञ्चालिका तिला थापामगरका अनुसार माक्स लगाएर आएका एक पुरुषले शुरुमा सिक्री खरीद गर्न माग गरे। त्यसपछि शुरुवातमा जुन सिक्री थापा मगरले दिइन, त्यो गलामा लगाए। त्यो सिक्री लगाएपछि अरु लामो हेरौ न भनेर अर्को मागे। ‘त्यत्रै मात्रै छ भनेर मैले हातमा अर्को बोकेपछि जर्वरजस्ती हात तानेर खोेसे,।

अनि म पछाडि सरेर ठीक मान्छे होइन भन्ने ठानेर फोन गर्न खोजे, उसले फोन नगर्नुहोस् भन्यो, अनि ज्याकेटको चेन उघारेर कालो पेस्तोल देखायो, त्यसपछि चोर भनेर ठूलो आवाजमा कराउन थालेपछि भाग्यो,’ तिलाले भनिन्।

ती पुरुषले पसलमा आउँदा एसिड पनि झोलामा बोकेर आएको खुलेको छ। रातो झोलामा उनले एसिड बोकेर आएको खुलेको हो। पसल सञ्चालिका तिलाले भनिन, ‘मलाई निसाना बनाएर एसिड पनि बोकेर आएको रहेछ।’प्रहरीले प्रारम्भिक अनुसन्धानबाट बाइक पत्ता लगाएको इलाका प्रहरी कार्यालय इटहरीका डिएसपी टेकबहादुर कार्कीले बताए। उनका अनुसार बाइककै आधारमा सुन लुटेर लानेको खोजी भइरहेको छ।

इटहरीमा १० वर्षपछि दिनदाहाडै सुन पसलबाट सुन लुटिएको हो। २०७० साल पुस ९ गते साँझ इलाका प्रहरी कार्यालय इटहरीभन्दा झन्डै एक सय ५० मिटर दुरी दक्षिणमा त्यतिबेला सञ्चालित ओम साई ज्वेलर्सका सञ्चालक दिपेश शंकरमाथि गोली प्रहार भएको थियो। त्यसयता इटहरीमा सुन पसलमा लुटपाटका ठूला घटना भएका थिएनन्।

त्यो बेला सुन पसलमा सञ्चालक शंकर बसीरहेका बेला मुखमा पट्टी बाधेर दुई जना दुई जना आएका थिए। अनि कालो झोला देखाउँदै भएभरको सुन झोलामा हाल भने नमानेकाले गर्दा गोजीबाट पेस्तोल निकालेर हानेका थिए। तर गोली नपडकिकन झरेकाले गर्दा मानवीय क्षती हुन पाएको थिएन्।

व्यापारी शंकरमाथि गोली प्रहार गरेको समूह इटहरीको जुटबिकास टोल हुदैं वडा नंं. ३ बौकाझोडाबाट मोरङ तर्फ भागेको थियो। त्यही भाग्ने क्रममा सोही समूहको गोली प्रहारबाट मोरङ सुन्दरहरैँचाका ३५ वर्षीय मानबहादुर तामाङ्को मृत्यु भएको थियो। घाटीमा गोली लागेर घाइते भएका उनको वीपी कोइराला स्वास्थ्य विज्ञान प्रतिष्ठान धरानमा उपचार गर्न लादालादै बाटैमा मृत्यु भएको थियो।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |