सामाजिक अराजकता फैलाएर मुलुकलाई कमजोर बनाउने प्रवृत्ति बढ्दै गएको छ : महासचिव शंकर पोख्रेल

काठमाण्डौ,२१ जेष्ठ । नेकपा एमालेका महासचिव शंकर पोख्रेलले सामाजिक अराजकता फैलाएर मुलुकलाई कमजोर बनाउने प्रवृत्ति बढ्दै गएको बताएका छन्। नेकपा एमाले प्युठानको दशौँ जिल्ला अधिवेशन उद्घाटन कार्यक्रमलाई आइतबार सम्बोधन गर्दै महासचिव पोखरेलले राजनीतिक अस्थिरता र सामाजिक अराजकता मच्चाएर जनतालाई निराश बनाउने काम भइरहेको बताए। ‘समाजमा जसले अराजक कुरा गर्दछ त्यसका वरिपरि मानिसहरू झुम्मिने परिस्थिति बनिहरेको छ’, पोखरेलले भने।

जसको सामाजिक जीवन सबैभन्दा विवादित छ त्यसैको पछाडि जनता लागेर मुलुक बन्न नसक्ने पोखरेलले बताए। त्यो कुरा जनतालाई बुझाउन सक्नु पर्ने उनको धारणा छ। नेपाललाई नयाँ विकल्पको खोजिएका नाममा देशलाई अस्थिरताको प्रयोगशाला बनाउन खोजिएको पोखरेलले बताए। जनताले आफ्नो संविधान आफै निर्माण गरेर संविधानतः सार्वभौमसत्ता सम्पन्न भएकाले अब नेपाली जनता राष्ट्रका निर्माता बन्नु पर्ने पोखरेलले बताए।

पोखरेलले नेकपा एमाले चुनौतीको बेलामा पनि जनताको लोकप्रिय पार्टी बनेको बताए। उनले शक्ति सन्तुलनमा एमाले कमजोर भए पनि मुलुकको भविष्यका लागि समीकरण बनाएर अघि बढेको उहाँले बताए।

अ हिले बनेको नयाँ समीकरण मिसन २०८४ सम्म लैजानुपर्ने उनको जोड थियो। एमालेले आजको होइन भविष्य हेरेर नयाँ समीकरणलाई अघि बढाएको हो त्यसैले ०८४ सम्म समिकरण कायम रहनुपर्छ पोखरेलले भने। मुलुकलाई थप बिग्रन नदिन गठबन्धन भत्काएर नयाँ समीकरण बनाइएको बताउदै उनले मुलुकलाई सङ्कटबाट निकाल्न र ओरालो यात्राबाट रोक्न सकिन्छ कि भनेर गठबन्धन भत्काएको दावी गरे।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |