शिक्षा मन्त्री रघुजी पन्तको दाबी : ‘काठमाडौंका ८० प्रतिशत युवाले जागिर बिना घरमै बसेर महिनामा दुई लाख रुपैयाँभन्दा बढी कमाउँछन्’

काठमाडौं, साउन १० । शिक्षा, विज्ञान तथा प्रविधि मन्त्री रघुजी पन्तले युवाहरूको आम्दानीसँग सम्बन्धित एउटा चकित तुल्याउने दाबी गरेका छन्। उनले काठमाडौं उपत्यकामा बसोबास गर्ने ८० प्रतिशत युवाले कुनै जागिर नगरी घरमै बसेर मासिक दुई लाख रुपैयाँभन्दा बढी कमाइरहेको बताएका छन्। उक्त अभिव्यक्तिले अहिले सामाजिक सञ्जालदेखि नागरिक तहसम्म गहिरो बहस र आलोचना जन्माएको छ। धेरैले मन्त्रीको भनाइलाई अतिरञ्जित, तथ्यबिनाको अनुमान र आम युवाको वास्तविकतालाई नबुझी गरिएको दाबी भनेर टिप्पणी गरेका छन्। कुनै आधार बिना गरिएको भनाइ? मन्त्री पन्तले सार्वजनिक रूपमा यति ठूलो प्रतिशतमा उल्लेख गरिएका युवाहरूको आम्दानीबारे कुनै तथ्यांक, अध्ययन,