१२ भाद्र २०८२, बिहीबार

पुस्तक बेचेर १६ करोड संकलन !

CB Nepal१ महिना अघि

वीरगन्ज, साउन ५ – राष्ट्रिय आविष्कार केन्द्रका अध्यक्ष तथा सामाजिक अभियन्ता महावीर पुनले आफ्नै आत्मकथामूलक पुस्तक बिक्री गरेर जम्मा गरेका १६ करोड ३५ लाख रुपैयाँले वीरगन्जको दशकौंदेखि बन्द कृषि औजार कारखाना पुनः सञ्चालनमा ल्याइएको छ।

सन् २०२१ सालमा सोभियत संघको सहयोगमा स्थापना भएको वीरगन्ज कृषि औजार कारखाना २०५९ सालदेखि पूर्ण रूपमा बन्द थियो। त्यसपछिका दुई दशक सरकारले जिम्मा लिए पनि कारखाना संचालनमा ल्याउन आवश्यक ३० करोड रुपैयाँ छुट्याउन चासो नदिएपछि महावीरले २०८० सालको पुस महिनादेखि आत्मकथा पुस्तक बेचेर रकम जुटाउने अभियान थालेका हुन्।

पुनले हालसम्म ४३ जिल्लामा २ लाख १८ हजार थान पुस्तक बेचेर उक्त रकम संकलन गरेका हुन्। प्रत्येक पुस्तकको मूल्य ७५० रुपैयाँ तोकिएको छ। बाँकी रहेका ३४ जिल्लामा पनि पुग्ने योजना रहेको उनले बताएका छन्।

सरकारको उदासीनता, महावीरको पहलकदमी

२०७९ भदौ ३१ गते सरकार र राष्ट्रिय आविष्कार केन्द्रबीच कारखाना पुनः सञ्चालन गर्ने समझदारी भएको थियो। तर, अर्थ मन्त्रालयले संझौता अनुसार बजेट नछुट्याएपछि महावीर आफैं अगाडि सरेर देश दौडाहामा निस्किए।

उनले संकलन गरेको रकमबाट कारखानामा आवश्यक मर्मत, उपकरण खरिद र जनशक्ति व्यवस्थापन गरिएको छ। कारखानामा अहिले धान रोप्ने र काट्ने, कोदो रोप्ने, माछा पालन, खेतको झारपात सफा गर्ने, आलु खन्ने, गोड्ने, धान काट्ने रिपर, गोबर पेल्ने उपकरण, सुक्खा घाँस काट्ने मेसिनजस्ता आधुनिक कृषि औजार उत्पादन हुँदै आएका छन्।

भारत–चीनबाट आयात हुने उपकरण अब नेपालमै

कारखानाले उत्पादन गरिरहेका उपकरणहरू पहिलोपटक नेपालमै बनेका हुन्। यी उपकरण पहिले भारत र चीनबाट आयात गरिन्थे। अहिले नेपालमै उत्पादन हुँदा कम मूल्यमा, बलियो गुणस्तरमा किसानले उपकरण पाउन थालेका छन्।

कारखानाले हाल ५०० थान अर्डरसहित १०० भन्दा बढी ‘प्याडी विडर केज हिल’ उपकरण बिक्री गरिसकेको छ। यस्ता उपकरण खेतीमा श्रम, समय र लागत तीनवटै घटाउन सहयोगी साबित हुने केन्द्रले बताएको छ।

अत्याधुनिक उपकरण चीनबाट

केन्द्रले उत्पादन प्रक्रिया सरल बनाउने उद्देश्यले चीनबाट १८ लाखको लेजर वेल्डिङ मेसिन र ५० लाखको ‘सीएनसी फाइबर लेजर सिट कटिङ’ मेसिन आयात गरी कारखानामा जडान गरेको छ। यसले फलामे पातालाई सजिलै काट्न र वेल्डिङ गर्न सहयोग गर्छ।

३७ जनाको रोजगारी, प्राविधिक बलियो टिम

कारखानामा हाल ३७ जना प्राविधिक जनशक्ति कार्यरत छन्, जसमा मेकानिकल, इलेक्ट्रिकल, औद्योगिक इन्जिनियर, ओभरसियर तथा फेब्रिकेटरहरू छन्।

इन्जिनियर रितेश देवका अनुसार कारखानाको सम्पूर्ण सञ्चालन खर्च महावीर पुनले पुस्तक बेचेर संकलन गरेको रकमबाट नै व्यहोरेका छन्। उनले भने, “सरकारबाट नपाएको साथ जनताबाट पायौं। अहिले हामी आफैं उत्पादन गर्छौं, आफैं बिक्री गर्छौं।”

हाम्रो निष्कर्ष: महावीर पुनको यो प्रयास केवल कृषि कारखाना ब्यूँताउने होइन, नेपालमै उत्पादन र आत्मनिर्भरताको सुरुवात पनि हो। जुन सरकारी उपेक्षाले बन्द थियो, त्यसलाई एकजनाको संकल्प र जनताको साथले फेरि चलायमान बनाएको छ।

हजुर कता?

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् ! 🎬🎶

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर! 💫

1. Na Jiuna Sake Na Marna Sake – Satya Raj Acharya & Chiranjivi Bhandari