रसुवाको भेलबाढीबाट करिब २९ करोडको बिमा दाबी: सबैभन्दा धेरै क्षतिपूर्ति शिखर इन्स्योरेन्समा

५ साउन, रसुवा ।
रसुवाको ल्हेन्दे खोलामा आएको भीषण बाढीले स्थानीय पूर्वाधारदेखि भन्सार क्षेत्रसम्म विनाश मच्चाएपछि २८ करोड ९२ लाख ६० हजार रुपैयाँ बराबरको बिमा दाबी दर्ता भएको छ।
नेपाल बीमा प्राधिकरणका अनुसार, यो रकम ७ वटा बीमा कम्पनीमा वितरण गरिएको हो।

शिखर इन्स्योरेन्स सबैभन्दा अगाडि
सबैभन्दा धेरै क्षतिपूर्ति दाबी शिखर इन्स्योरेन्स कम्पनीमा परेको छ।
१० वटा दाबी गरी १६ करोड १२ लाख १० हजार रुपैयाँ बराबरको क्षति दाबी गरिएको छ।
दोस्रोमा नेको इन्स्योरेन्स छ, जसमा तीन दाबी गर्दै ५ करोड २० लाख रकम मागिएको छ।
सगरमाथा लुम्बिनी इन्स्योरेन्समा ७ वटा दाबी मार्फत ३ करोड ४१ लाख ५० हजार बराबरको दाबी दर्ता भएको छ।
अन्य कम्पनीहरूमा पनि उल्लेख्य दाबी
नेपाल इन्स्योरेन्स: १२ दाबी, १ करोड २८ लाख ५० हजार
सानिमा जीआइसी: ६ दाबी, ७७ लाख
आइजीआई प्रूडेन्सियल: ९ दाबी, ७५ लाख ५० हजार
युनाइटेड अजोड: ३ दाबी, ६८ लाख
एनएलजी इन्स्योरेन्स: ६ दाबी, ४७ लाख
सिद्धार्थ प्रिमियर: ७ दाबी, ३१ लाख
६३ वटा दाबी दर्ता भइसके
कुलमा ६३ वटा बीमा दाबीहरू हालसम्म दर्ता भइसकेका छन्।
बाढीले सबैभन्दा बढी असर मितेरी पुल, ड्राइपोर्ट, भन्सार कार्यालय, र पार्किङ गरिएका सवारीसाधनहरूमा परेको छ।
रसुवागढी जलविद्युत् आयोजना र आसपासका भौतिक संरचनाहरू समेत गम्भीर रूपमा क्षतिग्रस्त भएका छन्।
सीमा क्षेत्रमै संकट
यो बाढी न केवल स्थानीय जनजीवनका लागि विनाशकारी बन्यो, तर नेपाल–चीन व्यापारिक नाका समेत केही समयका लागि पूर्णरूपमा बन्द भएको थियो।
सीमा सुरक्षादेखि लगानी र पूर्वाधार संरक्षणको खाँचो झनै देखिएको छ।