आज बिहीबार – भगवान विष्णुको पूजा, व्रतले मिल्छ धन, पुत्र र विद्या !

काठमाडौं, साउन ८ गते – आज २०८२ सालको साउन ८ गते बिहीबार, श्रावण कृष्ण औंसी तिथि परेको छ। हिन्दू परम्परा अनुसार हरेक बिहीबार देवताका गुरु वृहस्पति र भगवान श्रीहरि विष्णुको पूजा गरिन्छ। आजको दिन व्रत बस्दा धन, सन्तान र विद्या प्राप्त हुने विश्वास गरिन्छ।

यस दिन भगवान विष्णुकी पत्नी लक्ष्मी माताको पनि पूजा गरिने गरिन्छ। विशेषतः शुक्लपक्षको पहिलो बिहीबारबाट सुरु हुने यस व्रतलाई ७ वा १३ बिहीबारसम्म लिनुपर्ने धार्मिक मान्यता छ। यदि पहिलो बिहीबार अनुराधा नक्षत्र परेमा यस व्रतको प्रभाव अझ शुभ मानिन्छ।

 पूजा विधि यस्तो छ:

• बिहान चाँडै उठेर स्नान गरी शुद्ध भई पहेँलो वस्त्र लगाउने।
• पहेँलो फूल र चन्दन मिसाएर प्रसाद तयार गर्ने।
• सो प्रसादलाई भगवान विष्णुलाई अर्पण गरी पूजा गर्ने।
• ‘ॐ गुरवे नमः’ मन्त्र कम्तीमा ५ माला जप गर्नु लाभदायक मानिन्छ।

व्रतमा सम्भव भएसम्म दिनभर फलाहार वा सात्त्विक भोजन गर्नुपर्दछ।

धार्मिक विश्वास अनुसार, भगवान विष्णु र वृहस्पतिको पूजा गर्नाले आर्थिक उन्नति, पारिवारिक समृद्धि र शुभ आचरणको वृद्धि हुने जनविश्वास छ। आजको पवित्र दिनमा विष्णु भगवानको भक्ति र पूजा गरौँ — शान्ति, समृद्धि र शुभकामनाका साथ।

 स्मरण रहोस्: यो दिन व्रत बस्दा घरमा सुख–शान्ति र लक्ष्मीको स्थायित्व कायम रहन्छ भन्ने धार्मिक मान्यता रहिआएको छ।