१२ भाद्र २०८२, बिहीबार

घाउको पीडा, क्यान्सरको डर र आर्थिक अभावले लियो शिक्षकको ज्यान: नहर किनारमा साइकलसहित फेला पर्‍यो शव

CB Nepal१ महिना अघि

१० साउन २०८२, शनिबार –
सादा जीवन, शिक्षण पेशा र दुई सन्तानसहितको सानो परिवार चलाइरहेका २७ वर्षीय शिक्षक रामकिसुन रायको जीवन एउटा नियन्त्रित पीडा, क्यान्सरको शंका र आर्थिक अभावले अन्ततः समाप्त गरिदिएको छ। सप्तरीको डाक्नेश्वरी नगरपालिका–४ कुशहाका रायको शव शुक्रबार बिहान कोशी नहरको छेउमा फेला परेको छ।

शिक्षण पेशामा आबद्ध रहेर जीवन धान्दै आएका राय स्थानीय बोर्डिङ स्कुलमा शिक्षक थिए। उनका तीन वर्षका छोरा र पाँच वर्षकी छोरी छन्। श्रीमतीसहित चार जनाको परिवार पाल्दै आएका राय केही महिनायता अत्यधिक पीडामा थिए। स्थानीयका अनुसार घाँटी र मुखमा घाउ देखिन थालेपछि उनी शारीरिकरूपमा कमजोर हुनुका साथै मानसिक तनावमा पनि थिइरहेका थिए।

❝म धेरै दिन बाँच्दिन होला, मलाई क्यान्सर लागेको छ❞

परिवार र नजिकका साथीहरूसँग रायले यसरी खुलेर पीडा बाँड्न थालेका थिए। उपचारका लागि भारतको दरभंगासम्म पुगेका उनले फर्केपछि झन् निराश देखिन थालेका थिए। ‘म धेरै दिन बाँच्दिन होला, मलाई क्यान्सर भएको छ’ भन्ने वाक्य उनी बारम्बार दोहोर्याउँथे।

नहर किनारमा साइकलसँगै भेटियो शव

बिहीबार साँझ घरबाट निस्किएका राय रातभर सम्पर्कविहीन भएपछि खोजी सुरु गरिएको थियो। तर, शुक्रबार बिहान उनको शव नहर किनारमा साइकलसँगै लडिरहेको अवस्थामा फेला पर्‍यो। घटनास्थल पुगेको इलाका प्रहरी कार्यालय कल्याणपुरको टोलीले शवको जाँच गर्दा गोजीमा सल्फर नामक विषादी फेला परेको जनाएको छ।

प्रहरीका अनुसार प्रारम्भिक अनुसन्धानले आत्महत्याको आशंका गरेको छ। शवलाई पोष्टमार्टमको लागि पठाइएको र घटनाबारे थप अनुसन्धान भइरहेको जानकारी दिइएको छ।

आर्थिक अभावले उपचार सम्भव भएन

स्थानीयहरूका अनुसार राय गम्भीर घाउका कारण पीडामा थिए। तर आर्थिक अभावले उपचार सम्भव नहुँदा उनी निराश भएका थिए। अस्पताल जाँदा लाग्ने खर्च, परिवारको चिन्ता र स्वास्थ्य अवस्थाको निरन्तर गिरावटले उनी झन् एक्लिँदै गए।

“बाँच्नु नै महंगो भयो, त्यही भएर…”

स्थानीयले भावुक हुँदै भने, “उहाँले केही दिनअघि भनेका थिए– ‘बाँच्न महंगो भयो, म अब सक्दिन।’ आर्थिक अभाव र रोगले मानसिकरूपमा यति थिचिए कि उहाँले जीवन समाप्त गर्ने निर्णय लिनुभयो।”

नोट: मानसिक स्वास्थ्य सबैका लागि संवेदनशील विषय हो। यदि तपाईं वा तपाईंको वरपर कोही पनि मानसिक तनावमा हुनुहुन्छ भने, कृपया तत्काल विश्वासिलो व्यक्तिसँग कुरा गर्नुहोस् वा सहयोग लिनुहोस्।
नेपाल मानसिक स्वास्थ्य सेवा हेल्पलाइन: ११६६

हजुर कता?

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् ! 🎬🎶

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर!

1. Na Jiuna Sake Na Marna Sake – Satya Raj Acharya & Chiranjivi Bhandari