अन्तिम फोन ‘बजारबाट के ल्याउँ ?’

रौतहट । रौतहटको गौर–सिरसिया सडक खण्ड अन्तर्गत गौर नगरपालिका–९ मुडवालगेटमा आइतबार बिहान सुटकेसभित्र महिलाको शव फेला परेको छ । जिल्ला प्रहरी कार्यालय रौतहटका अनुसार शव २६ वर्षीया रुबीकुमारी साहको भएको पुष्टि भएको छ ।

शनिबार साँझ करिब ६ बजे डेराबाट बजारतर्फ निस्किएका रुबीले आमासँग गरेको अन्तिम फोनमा ‘बजारबाट केही ल्याउँ ?’ भनेर सोधेका थिए । तर त्यो नै आमा–छोरीबीचको अन्तिम संवाद बन्यो । राति घर फर्किन नआएकी रुबी आइतबार बिहान सुटकेसभित्र मृत अवस्थामा भेटिएकी हुन् ।

प्रहरीका अनुसार ठूलो नीलो सुटकेस बाहिरैबाट डोरीले बाँधिएको अवस्थामा सडक किनारमा भेटिएको थियो । विस्फोटक वा अन्य खतरनाक वस्तु हुनसक्ने आशंकामा रातभर सुरक्षित राखिएको सुटकेसलाई बिहान खोल्दा प्रहरी नै अचम्मित बनाउने दृश्य भेटियो—भित्र रुबीको शव खुम्च्याएर पट्याइएको अवस्थामा थियो ।

हत्या गरेर योजनाबद्ध ढंगले सुटकेसमा प्याक गरी सडकमा फालिएको प्रहरीको प्रारम्भिक निष्कर्ष छ । शवमा टुक्रा गरिएको वा ठूला चोटपटक भने देखिएको छैन ।

रुबी भारतको मुजफ्फरपुरका शिव सागर साहसँग विवाह गरेर रौतहटमै डेरा लिएर बस्दै आएकी थिइन् । आमासँगै ४ वर्षका छोराको पढाइका लागि डेरा बस्दै आएकी उनको शव भेटिएको स्थान डेराबाट करिब ५ किलोमिटर टाढा र नेपाल–भारत सीमासम्म उस्तै दूरीमा पर्छ । यसैले प्रहरीले “भारततर्फ लगेर हत्या गरेर नेपालतिर शव फ्यालिएको” हुनसक्ने angle मा अनुसन्धान अघि बढाएको छ ।

शवसँगै उनका कपडा भेटिए पनि मोबाइल भने भेटिएको छैन । मोबाइल हत्यारा लिएर गएको वा नष्ट गरेको हुनसक्ने अनुमान प्रहरीले गरेको छ । मोबाइल लोकेशन गौर आसपासमै देखिएको भए पनि त्यसपछि अफ भएको प्रहरीले जनाएको छ ।

अहिले प्रहरीले वरपरका सीसीटीभी फुटेज संकलन गरेर अनुसन्धान अघि बढाएको छ । सुटकेस को हो, कहाँबाट ल्याइएको हो भन्नेबारे पनि सूक्ष्म ढंगले अनुसन्धान भइरहेको मधेश प्रदेश प्रहरी कार्यालयका डिआइजी उमाप्रसाद चर्तुवेदीले बताएका छन् ।

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् !

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर!

1. Na Jiuna Sake Na Marna Sake – Satya Raj Acharya & Chiranjivi Bhandari

2. Nai Nabhana – New Nepali Dancing Song 2024

3. Timi Sangai Huna – Love Song by Milan Newar & Chiranjivi Bhandari

4. Tum Dil Ki Dhadkan Mein – Unplugged Cover by Chiranjivi Bhandari (2019)

5. Bistarai Bistarai Timi Meri – Melina Rai & Chiranjivi Bhandari