साल्ट ट्रेडिङकाे डिपोमा तोडफोड भएपछि जुम्लाका वडामा नुन पठाउने तयारी

काठमाण्डौ,२ साउन । जुम्लामा नुन सहजै नपाएको भन्दै स्थानीयवासीले डिपोमा तोडफोड गरेपछि वडामै नुन पठाउने तयारी गरिएको छ । स्थानीय प्रशासनले नुनको व्यवस्थापन प्रभावकारी बनाउन वडामै पठाउने तयारी गरेको हाे ।

प्रमुख जिल्ला अधिकारी जयकुमार घिमिरेले डिपोमै तोडफोड भएको घटनाको विषयमा नेपाल साल्ट ट्रेडिङ कार्यालय जुम्लासँग जानकारी लिइएकाे बताए । नुनकाे प्रभावकारी व्यवस्थापनका लागि वडामै वितरण गर्न निर्देशन गरिएको उहाँले बताए । उहाँले यो भन्दा पहिला पनि वडामा पठाउने निर्णय भइसकेकाले वडाबाटै वितरण गर्दा नागरिकलाई जिल्ला सदरमुकाम आउन दु:ख नहुने उहाँले बताए।

नुनका लागि लाइनमा लागेका जुम्लाका स्थानीयवासीले असार ३१ गते आइतवार डिपोमा ढुङ्गामुढा गरेका कम्पनीका प्रमुख खगेन्द्रबहादुर मल्लले जानकारी दिए ।

‘नुन वितरण भइरहेको समयमा ढुङ्गामुढा हुँदा डिपो कार्यालयमा क्षति भएको छ’, मल्लले भन्नुभयो, ‘म सिञ्जामा नुन वितरण गर्न गएको थिएँ, सदरमुकामको डिपोमा अन्य कर्मचारीले नुन बाँडिरहेको समयमा तोडफोड हुँदा कार्यालयको मुख्य ढोकामा क्षति भएको छ ।’

गएकाे वर्ष जुम्लाका लागि दुई हजार पाँच सय क्विन्टल नुन स्वीकृत भए पनि भर्खरै मात्र दुई हजार ८० क्विन्टल नुन थप भएकाले कार्यालयमा नुनको अभाव नभएको साल्ट ट्रेडिङकाे दाबी छ । यहाँको सिञ्जा क्षेत्रमा पर्ने तीन पालिकाका लागि नराकोटमा नुनको उपशाखा कार्यालय स्थापना गरी नुन वितरण भइरहेको कार्यालयले जनाए ।

जुम्लाको चन्दननाथ नगरपालिका, पातारासी गाउँपालिका, गुठीचौर गाउँपालिका, तातोपानी गाउँपालिका र तिला गाउँपालिकाका नागरिकले सदरमुकाम खलङ्गामा रहेकाे नेपाल खाद्य संस्थान कार्यालयबाट नुन लिँदै आएका छन् ।

पातारासी गाउँपालिका उपाध्यक्ष जनमाया रोकायाले भने डिपो नहुँदा गाउँपालिकाका नागरिकले निक्कै सास्ती पाएकाे गुनासाे गर्नुभयाे । डिपाे स्थापनाका लागि पटक-पटक पहल गरे पनि सुनुवाइ नभएको उहाँले बताए ।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |