याद राख्नुस कुर्सी टिकाउनको लागि मात्र भ्रष्टाचारको फाईलहरु खोलिएको होइनः प्रधानमन्त्री प्रचण्ड ।

काठमाडौं, १२ भाद्र । : प्रधानमन्त्री पुष्पकमल दाहाल प्रचण्डले सरकारले भ्रष्टाचारको फाईलहरु कुर्सी टिकाउनको लागि मात्र नखोलेको भन्दै भ्रष्टाचारीलाई कारबाही गरेरै छोड्ने प्रतिवद्धता जनाएका छन् ।

Advertisement

मंगलबार प्रतिनिधि सभाको बैठकमा रास्वपा सांसद असीम शाहले उठाएका प्रश्नको जवाफ दिँदै प्रधानमन्त्री प्रचण्डले कुर्सी टिकाउनलाई मात्र नभएर जनतामा छाएको राजनीति प्रणालीमाथिको वितृष्णा चिर्न भ्रष्टाचारको फाइल खोलेको दाबी गरेका हुन् ।

उनले भने, ‘प्रश्नमा भनिए जस्तो सरकारका यी कामहरू कुनै कुर्सी टिकाउनको लागि होइन। बरु देश र जनतामा राजनीति प्रणालीमाथि वितृष्णा छाएको केही हुन्न सबै उस्तै हुन् भन्ने भाष्य निर्माण गर्न खोजिएको परिस्थितिलाई चिर्न सरकारले एकपछि अर्को राम्रो काम गर्दै आइरहेको कुरा स्थापित गर्न गरिएको छ ।’

प्रधानमन्त्री प्रचण्डले सबै भ्रष्टाचारको काण्डमा राज्यले दबाबरहित तरिकाले काम गरेकै कारणले अहिले जनतामा सुशासन सम्भव छ भन्ने नयाँ आशा पलाएको दाबी गरे। उनले सरकारले कसैलाई बचाउने कसैलाई फसाउने नियतले काम नगरेको दाबी गरे ।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |