बाबुराम र हिसिलाले फिल्म ‘नाङ्गो गाउँ’ हेरेर अन्तिममा मुख्य पात्रले गाउँ छाडेको कुरा मलाई चित्त बुझेन भन्दै निस्किए ।

काठमाडौँ, ११ आश्विन । पूर्व प्रधानमन्त्री डा. बाबुराम भट्टराई र पूर्व मन्त्री हिसिला यमीले फिल्म ‘नाङ्गो गाउँ’ हेरेका छन् । मंगलबार उनीहरुले काठमाडौँको सिभिल मलमा फिल्म हेरेका हुन् । फिल्म हेरेपछि डा. भट्टराईले फिल्मको कथावस्तु उत्कृष्ट भएको प्रतिक्रिया दिए ।

‘फिल्मको अन्तिममा मुख्य पात्रले गाउँ छाडेको कुरा मलाई थोरै चित्त बुझेन । अरु, कुरामा त फिल्ममा आलोचना गर्नुपर्ने ठाउँ छैन’ भट्टराईले थपे । भट्टराईले फिल्मका मुख्य पात्रले राजनीतिमा हार खाएपछि गाउँ छाडेपनि आफूले भने नछाड्ने बताए ।

उनले थपे, ‘मलाई गोरखा छाडेर छोरीलाई काठमाडौँमा उठायो भनेर पनि आरोप लगाइयो । तर, छोरी मानुषीलाई स्वतन्त्र यूवाहरुले काठमाडौँमा उठाएका हुन् । म गाउँ छाडेर हिँड्नु हुँदैन भन्ने पक्षमा छु ।’ यस्तै, पूर्व मन्त्री यमीले फिल्मको सबै कुराले मन छोएको बताइन् । उनले पनि बाबुरामले जस्तै मुख्य पात्रले गाउँ छाड्ने कुरामा असन्तुष्टि जनाइन् ।

भदौको २९ गतेबाट प्रदर्शनमा आएको फिल्म हिमाल कडरियाको प्रस्तुतिमा राम श्रेष्ठको निर्माण बनेको हो । रामहरि श्रेष्ठ यो फिल्मका कार्यकारी निर्माता हुन् । फिल्ममा दयाहाङ राई, मिरुना मगर, शिशिर वाङ्देल, साम्राज्ञी राज्यलक्ष्मी शाह, रवीन्द्र झा लगायतका कलाकारको अभिनय छ । फिल्मका निर्देशक दीपेन्द्र लामा हुन् ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |