सचिनको उपचारको लागि उठेको रकम हिनामिना भएको होत ? पत्रकार भोजराज थापा यस्तो भन्छन….

काठमाण्डौ, ९ माघ । पत्रकार भोजराज थापा आफ्नो फेसबुकमा : सचिनको बारेमा यस्तो लेख्छन : प्रिय भाई सचिन। हिजोको दिनमा तिमी बिरामी हुदाँ हामीले दर्शकहरू सामु सहयोगको हात फैलायौँ, सोचे भन्दा धेरै सहयोग पनि आयो तिमी निको पनि भयौँ। फेरि आज बिरामी परेकाछौँ रे भन्ने सुनेकोछु तर यो पटक कुन मुखले सहयोग माग्ने होला भन्ने सोचिरहेकोछु। पहिले तिमी बिरामी हुदाँ तेत्रो पैसा उठाईयो, तिम्रो उपचार गर्दा झण्डै ४ लाख खर्च भो। खर्च कटाएरपनि ८ लाख बचेको थियो।

भोलिको दिनमा बिरामी हुदाँ आबस्यक पर्नसक्छ भनेर बैंकमा राखिदियौँ, हामीले राख्दा बिरामीको पैसा खाए भन्ने आरोप लाग्ला भन्ने सोचेर हामी सबैको अभिभाबक कृष्ण कंडेल दाईको खातामा राखिदिएका थियौँ। तर त्यहि पैसा पनि जहिले धम्की दिदै, मेरो पैसा खाईस् तैले भन्दै कृष्णदाईको घाटी च्याप्न पुग्ने कार्य गरिनै रहेपछि यस्तो बेईजेतीको पैसा राख्नु भन्दा दिनु नै बेस भन्ने सोचेर बाल बचतमा ट्रान्सफर गरियो, बेला बेला बैँकमा जाने मेरो पैसा चाहियो भन्ने गरेपछि सुन्छु अहिले सचिनको बुवाले त्यो सबै पैसा झिके अरे, झिकेको पैसा त सकेपनि होलान्।

सचिन बिरामी परेपछि उनलाई आफ्नै मम्मीले राख्ने सहमती भएको थियो तर बुवाले सचिनलाई मम्मीको साथबाट छुटाएर लिएर गएछन् त्यसपछि मम्मीलाई सचिनसँग भेट्न समेत दिएनछन्। केही ब्यक्ती त्यतीसम्म निच हुनेरहेछन् जसलाई चलाएपछि मुखभरी छिटा मात्र आउने रहेछ। अहिले बुवाको बारेमा केहि भन्यो भने कता-कता पुग्छ कुन-कुन मिडियामा गएर हुनेनहुने जेपनि बोल्छ। पैसा तपाईले पाउनुहुन्न, मम्मीले राख्नुहुन्छ भन्दा अस्पतालमै हामी माथि हातपात गर्यो र एक रात प्रहरी खोरमै बस्योपनि।
……
तेत्रो ज्यान छ, हात खुट्टा छन्। काम गर्नु नी, लाजसरम छैन, बिरामी छोराकै भर परेकोछ टन्न रक्सी खाएकोछ बसेकोछ। अझ मिडियामा आएर गोहीको आँशु झार्छ।
प्रिय सचिन यो जिन्दगीमा तिमीलाई पिडा मात्र लेखेको रहेछ, तिम्रो बुवा जस्ता बुवाहरू अरूकसैका नहुन्।

बिचरा तिमी कति निर्दोस छौँ कि तिम्रो बुवाले तिमीलाई प्रयोग गरेर पैसा कमाउने भाडो बनाएकाछन् भन्ने सम्म पनि तिमीलाई थाहाँ छैन। तिम्रो उपचार भएपछि नियमित औँषधी खानुपर्ने थियो जुन तिमीले खान नपाउदाँ तिम्रो रोग फेरि बल्झिएकोछ। म सचिको बुवालाई प्रश्न गर्न चाहान्छु, औँषधीको लागि जम्मा गरेको त्यो ८ लाख रूपैया कहाँ सकियो ? के गरेर सकेयौँ ?
अब फेरि हामी मिडियाकर्मीले कुन मुखले सहयोग माग्ने? मैले यो भनिरहदाँ बिचरा त्यो निर्दोस भाई सचिनको त के नै दोष छ र है। छोरोलाई हेर्दा माया लाग्छ बुवालाई हेर्दा रिष उठ्छ।
दर्शकहरूको सुझाब पाउँ………

बाल गायक सचिन परियार केही समयदेखि बिरामी छन् । अनौठो हाउभाउ र बोलीका कारण भाइरल सचिनको अहिले कम्मरमुनिको भाग राम्रोसँग चल्दैन । सचिनका बाबु तेजेन्द्र परियारले उनलाई केही दिन अगाडी हेटौँडा उपचारका लागि लगेका थिए ।

केही सुधार भएपनि काठमाडौँ फर्किएका छन् । हेटौँडामा राम्रो आयुर्वेदिक अस्पताल छ भन्ने सुनेर लगेको र केही उपचार गरेर फर्किएको तेजेन्द्रले बताए । उनको स्वास्थ्यमा अझै राम्रो सुधार हुन भने सकेको छैन । उनको उपचारका लागि सामाजिक सञ्जाल, युट्युब लगायतबाट अहिले पनि सहयोगको अपिल गरिएको छ ।

तर उनको उपचारका लागि प्राप्त सहयोग दुरुपयोग हुने गरेको समेत आरोप लाग्दै आएको छ । उनको उपचारको रकम उनका बुबा तेजेन्द्र परियारले दुरुपयोग गरेको आरोप युट्युबर भोजराज थापाले समेत लगाएका छन् । उनले सामाजिक सञ्जालमा एक पोष्ट गर्दै उनको उपचारका लागि यस अगाडि मोटो रकम उठेको दुरुपयोग भएको बताएका हुन् ।

थापाका अनुसार अघिल्लो पटक सचिन बिरामी पर्दा युट्युबरहरुको सक्रियतामा ११ लाख ६७ हजार ४१६ रुपैयाँ उठेको । त्यसमा ३ लाख ५७ हजार ८२४ रुपैयाँ खर्च भएर ८ लाख ९ हजार ५९२ रुपैयाँ बचत भएको थियो । युट्युबरहरुले सल्लाह गरेर बचत भएको रकम इन्द्रेणीका सञ्चालक कृष्ण कँडेलको खातामा राखिदिएका थिए । तर, बाबु तेजेन्द्रले पैसा मागेर हैरान पारेपछि सचिनकै नाममा बाल बचत खाता खोलेर जम्मा गरिदिएको र उक्त रकम दुरुपयोग भएको युट्युबवर थापाले बताएका छन् ।

यता बाबु तेजेन्द्रले भने सहयोग प्राप्त सबै रकम सचिनको उपचारमा खर्च भएको बताए । उनले विगत एक वर्षदेखि सचिनको उपचार भइरहेको र महिनामा औषधी मात्र २५ हजारको लाग्ने खुलाए । ‘मलाई नसोधी जथाभाबी आरोप लगाएका छन् । त्यो पछि के हुन्छ आफै बुझ्छन् ।

म अहिले केही भन्दिन’ तेजेन्द्रले भने ‘दुरुपयोग गरे पनि, खाएर उठाए पनि सचिनलाई बचाएर राखेको छु । त्यो मेरो हातको कुरा हो उनीहरूको हैन ।’ सचिनको जिम्मेवारी आफू भएको समेत उनले सुनाए । दिएकोले हामीले दिएको भन्दैनन् । मिडियाले खाली हामीले पैसा उठाइदियौ भन्छन्’, उनले थपे ‘मैले मागेको पनि थिइन । दिएको हिसाब दिन जरुरी पनि छैन ।’ तेजेन्द्रले युट्युबले आफ्नो दुरुपयोग गरेर डलर उठाएर खाएको आरोप समेत लगाए ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |