८४ सालमा हुने निर्वाचनका लागि सभापति रवि लामिछानेले अहिले बाटै आफ्नो लागि मागे भोट

काठमाण्डौ,२२ माघ ।। राष्ट्रिय स्वतन्त्र पार्टीका सभापति रवि लामिछानेले ०८४ सालमा हुने निर्वाचनका लागि अहिल्यै भोट मागेका छन्। रास्वपा अर्घाखाँचीले शनिबार सन्धिखर्कको टुँडिखेलमा आयोजना गरेको कार्यक्रमलाई सम्बोधन गर्दै सभापति लामिछानेले ०८४ सालको निर्वाचनमा मत दिन आग्रह गरेका हुन्।

एक पटक बहुमत सहितको सरकार बनाउन जनताको मत चाहिएकाले ‘ओन्ली वन चान्स’ दिन उनले अपिल गरे। ‘हाम्रो माया परिपक्व छ। हाम्रो मायामा भाँजो हाल्न धेरै आउने छन्। जे जे भएपनि चार वर्ष हामीलाई नबिर्सनुहोला।’ उनले भने। विदेश र भारतमा रहेका नेपालीहरूलाई अपिल गर्दै उनले ०८४ मा विदेशबाट प्लेन टिकट काटेर,।

बस रिजर्भ गरेर भएपनि मत हाल्न आउन आग्रह गरे। कार्यक्रमलाई सम्बोधन गर्दै उनले सहकारी पीडितदेखि किसानका समस्याका बारेमा बोलेका थिए। कार्यक्रम अघिको पत्रकार सम्मेलनमा बोल्दै पूर्व गृहमन्त्री समेत रहेका लामिछानेले सरकारले सहकारी ठगी प्रकरणका आरोपितलाई पक्रन नचाहेको आरोप लगाए।

जिबी राईप्रती इंकित गर्दै उनले आरोपीलाई पक्रन सरकार उदासीन देखिएको र वास्तविक सहकारी पीडितहरूलाई न्याय दिन नचाहेको जिकिर गरे। पीडितलाई न्याय दिनुको साटो आफूलाई फसाउन हात धोएर पछि लागि परेको उनको भनाई थियो।

उनले किसानका समस्या समाधानमा रास्वपाले काम गरिरहेको बताए। पहाडी जिल्लामा कृषकहरू बँदेल र बाँदरबाट पीडित भएको भन्दै त्यसको समाधान सहितका उपाय लिएर आउने उनले जनाए। ‘हामीलाई थाहा छ यहाँ बाँदर र बँदेलको समस्या व्याप्त छ,‘ उनले भने, ‘हामी त्यसमा काम गरिरहेका छौं समाधान सहित आउँछौँ।’

स्वदेश र विदेशका विज्ञहरूसँग छलफल भइरहेको भन्दै उनले यसको छिटै समाधान गर्ने बताए। उनले पुराना दलहरू भ्रष्टाचारमा चुर्लुम्म डुबेकाले अबको निकास राष्ट्रिय स्वतन्त्र पार्टी मात्र भएको बताए। आफूहरू निस्वार्थ भएकोले अबको निर्वाचनमा बहुमत ल्याएर देश कसरी विकास गर्छन् भन्ने हेर्न उनले पुराना दललाई चुनौती दिए।

आउने पुस्ताका लागी राजनीति गरेको बताउँदै लामिछानेले पार्टी परिवर्तन नगरे पनि मत परिवर्तन गर्न आग्रह गरे। समाचार nagariknews.nagariknetwork.com बाट ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |