रणवीर सिंह र दीपिकाको सम्बन्ध चिसियो,रणवीरले हटाए इन्ष्टामा भएका सबै पोस्टहरू

काठमाण्डौ,२५ जेष्ठ । बलिउड अभिनेता रणवीर सिंह र अभिनेत्री दीपिका पादुकोणले एक महिनाअघि मात्रै आफूहरु आमाबाबु बन्न लागेको घोषणा गरेका थिए । यसैबिच सामाजिक सञ्जालमा यतिबेला रणवीर र दीपिकाको सम्बन्ध चिसिएको खबरले चर्चा पाइरहेको छ । रणवीर सिंहले इन्स्टाग्राममा आफ्नो बिहेको तस्बिरहरू हटाएपछि यो हल्ला सुरु भएको हो ।

रणवीरले हालै इन्ष्टामा २०२३ अघिका सबै पोस्टहरू हटाएका थिए । उनले हटाएका पोस्टमा विवाहका तस्बिरहरू पनि थिए । यी तस्बिरहरू मेट्ने बित्तिकै, फ्यानहरूले उनीहरूको विवाह सङ्कटमा रहेको भविष्यवाणी गर्न थालेका थिए । उनीहरूको वैवाहिक सम्बन्धबारे सामाजिक सञ्जालमा चर्चा बढ्दै गएको छ ।

अभिनेताले बिहेको तस्बिर हटाउनुको ठोस कारण थाहा हुन सकेको छैन । चिसिएको हो सम्बन्ध ? रणवीर र दीपिकाको सम्बन्ध चिसिएको अनुमान फ्यानहरूले गरेका छन् । यस विषयमा सिंह दम्पतीले कुनै प्रतिक्रिया दिएका छैनन् । तस्बिर हटाएपछि फ्यानहरूले प्रश्नको ओइरो लगाएका छन् ।

इन्ष्टाग्राममा २०२३ को जनवरी पछिका रणवीर सिंहका सबै पोष्टहरू छन् । तर त्यस अघिका सबै पोस्ट हटाइएको छ । रणवीर र दीपिकाले सन् २०१८ को नोभेम्बर १४ मा दुवैले इटालीमा धूमधामसँग बिहे गरेका थिए ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |