माताजगदम्बा पाथीभरालाई सच्चा मनले दर्शनगरि, आजको राशिफल हेर्नुहोस

काठमाण्डौ, १४ बैशाख । जयजय करुणादेवी, संकट हरणी नमोस्तुते, माताजगदम्बा पाथीभरालाई सच्चा मनले दर्शनगरि, आजको राशिफल हेर्नुहोस माताजगदम्बा पाथीभरालाई सच्चा मनले दर्शनगरि, शुद्ध जल,पुष्प चढाएर हरेक कामको सुरुवात गरौँ,। परिवारमा माताको कृपादृष्टि हुनेछ । पुण्य गरे आफैलाई हो हजुर, मन्दिर जान नसकेपनि जहाँ छौँ त्यहिँ बाट दर्शन गरौँ, पुण्य प्राप्त हुनेछ, मनले चाहेको पुग्नेछ । ॐ श्री पाथिभरा देब्यै नम : माताले हामी सबैको कल्याण गरुन…..।

मेष राशि (चु, चे, चो, ला, लि, लु, ले, लो, अ): दैनिक कार्यमा अनुकूलता वृद्धि हुने समय छ । अरूलाई प्रभावित पारेर काम लिन सकिनेछ । आजको मिहेनत खेर जानेछैन । व्यवसायका लागि यात्राको सम्भावना छ । प्रेमभाव वृद्धिका साथै दाम्पत्यजीवन सुखद रहला । आयस्रोत बढ्ने र धनार्जनको योग छ । मित्रजन सहयोगी बन्नेछन् ।

बृष राशि (इ, उ, ए, ओ, बा, बि, बु, बे, बो): पारिवारिक समस्याको समाधान मिल्ने दिन छ । तथापि, विभिन्न कार्यबोझका कारण ब्यस्तता वृद्धि होला । कसैले अस्वभाविक प्रलोभन दिएर अप्ठ्यारोमा पार्न सक्ने देखिन्छ । प्रलोभनमा बहकिँदा व्यक्तिगत स्वतन्त्रतामा बाधा पर्नेसक्ने हुँदा सावधान रहनु उचित हुनेछ । उद्योग तथा व्यापारमा सामान्य फाइदा मिल्नेछ । स्वास्थ्य सामान्य रहनेछ । सहयोगीहरूले हात झिक्नाले केही समस्या थपिन सक्छ । यात्रापरक काम बन्नेछ । आफन्तको साथ मिल्नेछ ।

मीथुन राशि (का, कि, कु, घ, ङ, छ, के, को, ह): धर्मकर्ममा आकर्षण बढ्ने तथा परोपकारको भाव जागृत हुने समय भएपनि चिताएको काम पुरा नहुन सक्छ । लगानी, दौडधुप, श्रम र प्रयत्नको उचित मूल्य नमिल्ने समय छ । केहीमात्रामा खर्च बढ्न सक्छ, तथापि उत्साहजनक समाचारले हर्ष बढाउने योग छ । पराक्र वृद्धि भइ शत्रुमाथि विजय प्राप्त हुनेछ । यात्राग सार्थक रहनेछ ।

कर्कट राशि (हि, हु, हे, हो, डा, डि, डु, डे, डो): सानो प्रयत्नले ठूलो काम सम्पादन हुने समय छ । आश मारेको काम बन्नाले उत्साह जागृत होला । आम्दानी बढ्नुका साथै भौतिक साधन जुटाउन सकिनेछ । दीर्घकालीन रूपमा फाइदा हुने काममा हात हाल्न सकिनेछ । तार्किक क्षमता बढ्नेछ । जोखिम बढेपनि विवेक र साहसले काम बन्ने योग छ । मनोरञ्जनात्मक जमघटका साथै मिठो भोजन प्राप्ति हुने देखिन्छ । साथीभाइको सहयोगले सुख बढ्नेछ । रसरागमा आकर्षण रहला ।

सिंह राशि (मा, मि, मु, मे, मो, टा, टि, टु, टे): विभिन्न अवसरले पछ्याउने र बोलीको प्रभाव पनि बढ्ने समय छ । मंगलमय काम सम्पादन हुन सक्छन् । व्यवसायमा राम्रै लाभ होला । गुरुजनको विशेष सहयोग जुट्नेछ, जसले भविष्यका लागि लाभको मार्ग खोल्न सक्छ । प्रेमभाव वृद्धिका साथै दाम्पत्यसुख बढ्नेछ । आरोग्यता रहनेछ । पारिवारिक सुखको अवस्था रहला ।

कन्या राशि (टो, प, पि, पु, ष, ण, ठ, पे, पो): दिन केही चुनौतीयुक्त रहला । निश्चय भएको काम अचानक बिग्रन सक्छ । आश्वासन दिने साथीभाइबाटै धोका हुनसक्ने सम्भावना छ । आफ्ना विशेष योजनालाई गोप्य राख्ने प्रयास गर्नुहोला । पुरानो समस्याले केही झमेला आइलाग्न सक्छ । दाम्पत्य सम्बन्धमा पनि चिसोपन रहने योग छ । यात्रामा भने सुखानुभूति हुने देखिन्छ । आफन्तको साथ प्राप्त हुनेछ ।

तुला राशि (र, रि, रु, रे, रो, ता, ति, तु, ते): विभिन्न अवसर मिल्ने र कीर्तिमानी काम सम्पादन हुनसक्ने समय छ । नयाँ कामको सुरुवात भने खासै राम्रो छैन, कार्यमा हैरानी बढ्न सक्छ, पुराना कार्यको निरन्तरतामा ज्यादा लाभ हुने देखिन्छ । पारिवारिक भेटघाटको समय छ । टाढिएका आफन्तहरू नजिकिनेछन । प्रेमभाव बढ्नेछ । आरोग्यबल बढ्नेछ ।

बृश्चिक राशि (तो, ना, नि, नु, ने, नो, या, यि, यु): सामाजिक काममा रुचि बढ्नेछ । बुद्धिको उपयोगले लक्ष्य प्राप्त गर्न सकिने समय छ । फलदायी कार्यमा व्यस्तता बढ्नेछ भने अधुरा काम मिहिनेतले बन्नेछन् । सामर्थ्य र सुख वृद्धि हुने देखिन्छ । मिठो भोजन प्राप्त होला । आजको दिन खर्च भने केही बढ्नसक्छ । योजना र बजेट बनाइ कार्य गर्नु बेस होला । सानातिना समस्या आइरहे पनि दिन मनोरञ्जनपूर्ण रहनेछ ।

धनु राशि (ये, यो, भ, भि, भु, ध, फा, ढ, भे): पराक्रम बढ्नेछ । एउटै कामबाट दोहोरो लाभ मिल्ने समय छ । विशेष योजनाहरू बन्नेछन् भने नयाँ ज्ञान सिक्ने मौका जुर्ला । पढाइलेखाइमा प्रगति होला । आत्मीयजनसँग भेटघाटको योग छ । वागबगैंचासम्बन्धी काममा आकर्षित होइएला । रसरागात्मक क्रियाकलापमा मन जाने देखिन्छ ।

मकर राशि (भो, ज, जि, खि, खु, खे, खो, गा, गि): मिश्रित फलदायी दिन छ । नयाँ काममा हात हाल्न केही समय पर्खंनु उचित हुनेछ भने गरीआएको कामलाई चाहिँ निरन्तरता दिन सकिनेछ । पीडिक प्रवृत्तिका व्यक्तिहरू तपाईंविरुद्ध सक्रिय रहनसक्छन्, सचेत रही व्यवहार गर्नुहोला । कामका केही अवसर फुत्कने सम्भावना छ, सावधानी अपनाउनुहोला । नियमकानूनले साथ दिनेछ । यात्रागत कार्यमा सफलता प्राप्त हुनेछ ।

कुम्भ राशि (गु, गे, गो, सा, सि, सु, से, सो, द): पैत्रिक सम्पत्तिको उपयोगबाट राम्रो लाभ उठाउन सकिने समय छ । लगनशीलताले राम्रै उपलब्धि दिलाउला । बोली र व्यक्तित्वको प्रभाव बढ्नेछ । प्रतिभा देखाएर अवसर हातपार्न सकिएला । आरोग्यबल वृद्धि हुनेछ भने मिठो भोजन प्राप्तिको योग छ । बौद्धिक र रचनात्मक कायमा विशेष सफलता मिल्ला ।

मिन राशि (दि, दु, थ, झ, ञ, दे, दो, च, चि): दिन सामान्य छ । मिहेनतले प्रतिस्पर्धाको दौड जिताउन सक्छ । भौतिक साधन जुट्नेछन् भने कृषि तथा पशु व्यवसायबाट विशेष लाभ हुने समय छ । प्राकृतिक पर्यावरणमा रमाइएला । खर्च केही बढ्न सक्छ । आफन्तको साथ मिल्नेछ । आत्मीयजनको आश्वासनले उत्साह वृद्धि गराउने योग छ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |