नगरबाट सम्पादन हुने कामहरु पारदर्शी हुने भएकाले प्रश्न उठ्नु स्वभाविक हुन्छ : नगरप्रमुख आइतमान तामाङ

काठमाण्डौ, ४ असार । मेलम्ची नगरपालिकाले आर्थिक वर्ष २०८२/०८३ काे याेजना तर्जूमाकाे पुर्व सन्ध्यामा राजनीतिक दलका प्रतिनिधि, पूर्व जनप्रतिनिधि, स्थानीय तहकाे निर्वाचनका प्रत्यासी एवम सराेकारवालाहरुसँग आइतबार सुझाव संकलन गरेकाे छ ।

पछिल्लो समय श्री आइतमान तामाङज्यू नगर प्रमुख निर्वाचित भएर आएपछि नीति तथा कार्यक्रम र याेजना तर्जूमा अघि सुरु गरिएकाे सुझाव संकलन कार्यक्रमलाई याे वर्ष पनि निरन्तरता दिइएकाे हाे | पुर्व मन्त्री श्री शेरबहादुर तामाङज्यूको प्रमुख आतिथ्यतामा सञ्चालित सुझाव संकलन कार्यक्रममा बागमती प्रदेश सरकारका पूर्व राज्यमन्त्री श्री इन्द्रमाया गुरुङ, निवर्तमान नगर प्रमुख श्री डम्बरबहादुर अर्याल, श्री उपप्रमुख भगवती नेपाल एवम स्थानीय निर्वाचनमा एमालेका तर्फबाट नगर प्रमुखका प्रत्यासी श्री बालकृष्ण देउजा लगायतले नगरकाे नीति तथा कार्यक्रममा समेट्नु पर्ने विषयका बारेमा सुझाव दिनुभएकाे थियाे ।

कार्यक्रममा शिक्षक महासंघ, सिन्धुपाल्चोकका अध्यक्ष श्री कुमारप्रसाद खतिवडा, नेपाली कांग्रेसका क्षेत्रीय सदस्य श्री कुमार चाैलागाई, नेकपा एमालेका नगर अध्यक्ष श्री उपेन्द्र तामाङ , माओवादी केन्द्रका श्री ज्ञानप्रसाद सापकोटा, रास्वपाका नगर सभापति श्री गाेकुलप्रसाद ढकाल तथा राप्रपाका नगर अध्यक्ष श्रा राम शरण महरा लगायतले समृद्ध नगर निर्माणका लागि आबश्यकताका आधारमा बजेट विनियोजन गर्न आग्रह गर्नुभयाे ।

यसअघि नगरले चालू आर्थिक वर्षमा सम्पादन गरेका कामका विषयमा भएकाे सार्वजनिक सुनुवाइ कार्यक्रममा सहभागीहरुले सुझाव एवम गुनासाे गरेका थिए । दुवै कार्यक्रममा उठेका जिज्ञासाकाे जवाफ दिंदै नगर प्रमुख श्री आइतमान तामाङज्युले नागरिककाे चाहना, नगरकाे स्राेत र आबश्यकताका आधारमा याेजना तर्जूमा गर्ने विश्वास व्यक्त गर्नुभयाे ।

उहाँले नगरबाट सम्पादन हुने कामहरु पारदर्शी हुने भएकाले प्रश्न उठ्नु स्वभाविक भएकाले यसले आगामी दिनमा परिस्कृत भएर अघि बढ्न सहज हुने बताउनु भएकाे हाे । रेडियो मिशनले सहजीकरण गरेकाे सार्वजनिक सुनुवाइमा उठेका जिज्ञासाकाे शाखा प्रमुखहरु सँगै उपप्रमुख श्री उमा प्रधान र प्रमुख प्रशासकीय अधिकृत श्री निमेष मिश्रले पनि जवाफ दिनुभएकाे थियाे ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |