भारतीय अभिनेत्री तथा नर्तकी शेफाली जरीवालाको ४२ वर्षको उमेरमा निधन

काठमाण्डौ, १४ असार | प्रख्यात भारतीय अभिनेत्री तथा नर्तकी शेफाली जरीवालाको ४२ वर्षको उमेरमा निधन भएको छ। उनको मृत्यु शुक्रबार राति हृदयाघातका कारण भएको हो।
भारतीय मिडियाका अनुसार, स्वास्थ्य असहज भएपछि उनका पति तथा अभिनेता पराग त्यागीले उनलाई अस्पताल लगे, तर डाक्टरले उनलाई मृत घोषित गरे। उनको शव अहिले कूपर अस्पतालमा पोस्टमार्टमको लागि राखिएको छ। मुम्बई प्रहरीले उनको अंधेरीस्थित आवासमा पुगेर घटनाको अनुसन्धान गरिरहेको छ। मृत्युको सटीक कारण अहिलेसम्म सार्वजनिक गरिएको छैन।
शेफाली जरीवालाले सन् २००२ मा प्रदर्शित गीत‘काँटा लगा’ को म्युजिक भिडियोबाट चर्चित बनेकी थिइन्। उनी सलमान खानको चलचित्र ‘मुझसे शादी करोगी’ र २०१९ को वेब सिरिज ‘बेबी कम ना’ मा देखिएकी थिइन्। यसैगरी, उनले ‘बुगी वूगी’‘नच बलिए’ जस्ता डान्स रियालिटी शोहरूमा पनि सहभागीता जनाएकी थिइन्।

सन् २०१९ मा उनले ‘बिग बोस १३’ मा वाइल्ड कार्ड एन्ट्री गरेकी थिइन्। उनको अकस्मात निधनले भारतीय मनोरञ्जन उद्योगमा शोक छाएको छ। प्रख्यात भारतीय अभिनेत्री तथा नर्तकी शेफाली जरीवालाको ४२ वर्षको उमेरमा निधन |

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |