सावधान हुनुहोला….जंक फुडको असर दीर्घकालीन र खतरनाक

काठमाण्डौ, १४ असार । जंक फुडको असर दीर्घकालीन र खतरनाक हुन सक्छ। यसबाट बच्न स्वस्थ खानपान र जीवनशैली अपनाउनु आवश्यक छ। ताजा, प्राकृतिक र सन्तुलित आहारले नै रोगप्रतिरोधक क्षमता बढाउँछ र दीर्घायु जीवन दिन्छ।

के हो जंक फुड ?
जंक फुड भन्नाले केवल बजारमा पाइने तयारी खानेकुरा मात्र होइन। यदि तिनीहरू धेरै तेल, नुन वा चिनीले बनेका छन् भने घरमा बनेका खानेकुरा पनि जंक फुडको श्रेणीमा पर्छन् ।

मुटुरोग विशेषज्ञ डा. प्रकाशराज रेग्मीका अनुसार, जंक फुड भनेको उच्च क्यालोरी तर न्यून पोषक तत्व (भिटामिन, मिनरल्स) भएका खानेकुरा हुन् । यसमा बोसो, चिनी र नुनको मात्रा धेरै हुन्छ। लामो समयसम्म टिक्ने प्याकेज्ड खानाहरू पनि जंक फुड नै हुन् ।

जंक फुडले स्वास्थ्यमा पार्ने प्रभाव
जंक फुडको नियमित सेवनले गम्भीर स्वास्थ्य समस्याहरू जन्माउँछ :

मेटाबोलिक सिन्ड्रोम : यसले मधुमेह, उच्च रक्तचाप र कोलेस्ट्रोल बढाउँछ, जुन हृदयघात र स्ट्रोकको प्रमुख कारण हो ।

मोटोपना :बच्चाहरूमा पनि मोटोपन बढ्दै गएको छ किनभने अभिभावकहरूले उनीहरूलाई अस्वस्थकर खाना दिने गर्छन् ।

पाचन समस्याहरू : धेरै रोगहरू पेटबाट सुरु हुन्छन् । अस्वस्थकर खानेकुराले पेटबाट अस्वस्थकर अवस्था सिर्जना गराउँछ ।

नसर्ने रोग लाग्न सक्छ : अस्वस्थ खानपानले यी रोगहरू बढाउँछ । विशेषगरी नसर्ने रोगको शिकार हुनुपर्ने हुन्छ ।

कलेजो र मिर्गौलाको असर : फ्याटी लिभर, पित्तथैलीमा पत्थरी र मिर्गौलाका समस्याहरू जंक फुडसँग सम्बन्धित छन्।

शारीरिक थकान : यस्ता खानाले शरीरमा ऊर्जाको कमी गराउँछ।

बालबालिकामा दीर्घकालीन असर : बच्चाहरूमा मोटोपन र मधुमेह जस्ता समस्याहरू बढ्दै छन् ।

जंक फुडबाट कसरी बच्ने ?
जंक फुडको आदतलाई परिवर्तन गर्न र स्वस्थ जीवनशैली अपनाउन केही उपायहरू यहाँ छन् :

ताजा र घरमै पकाएको खाना खानुहोस्
दैनिक ताजा पकाएको खाना नै उत्तम हो। बाहिर जाँदा घरबाटै खाना बोकेर लाने बानी बनाउनुहोस् । लामो समय टिक्ने प्याकेज्ड खानाहरूबाट टाढा रहनुहोस् ।

सामग्रीको सही प्रयोग गर्नुहोस्
तेल, नुन र चिनीको प्रयोग सीमित गर्नुहोस् । मैदा, सेतो चिनी र प्रोसेस्ड नुनको सट्टामा प्राकृतिक विकल्पहरू (हिमालयन सल्ट, बिरेनुन, गुड) प्रयोग गर्नुहोस् । होल ग्रेन र फलफूलको सेवन बढाउनुहोस्।

सन्तुलित आहार लिनुहोस्
प्रोटिन, फाइबर, भिटामिन र मिनरल युक्त खाना खानुहोस्। प्रोसेस्ड फुडको सट्टामा ताजा तरकारी, फल र अनप्रोसेस्ड खानाहरू प्राथमिकता दिनुहोस् ।

खानपानमा सचेत हुनुहोस्
भोक लागेको बेला मात्र खानुहोस् र अति नगर्नुहोस्। खानालाई राम्रोसँग चपाएर बिस्तारै खाने बानी बनाउनुहोस्। बाहिरको खाना कम्तीमा खाने प्रयास गर्नुहोस् ।

नेपाली परम्परागत आहारलाई प्राथमिकता दिनुहोस्,…..हाम्रो संस्कृतिमा स्वस्थ खानपान परम्परा छ। घिउ, चामल, दाल, तरकारी जस्ता प्राकृतिक खानाहरूले नै दीर्घकालीन स्वास्थ्य लाभ दिन्छन् । समाचार healthpati.com बाट भिडियो हेर्नुहोस ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |