रामकुमारी झाँक्रीको अभिव्यक्तिसँग सम्बन्धित विषय बैठकमा उठ्ने

कठमाडौं, २२ असार । नेकपा (एकीकृत समाजवादी)को सचिवालय बैठक आइतबार बिहान ११ बजेपछि पार्टी केन्द्रीय कार्यालय, आलोकनगरमा बस्ने भएको छ । बैठकमा पार्टी अध्यक्ष माधवकुमार नेपालमाथि पतञ्जली जग्गा प्रकरणसँग जोडिएको भ्रष्टाचार मुद्दा र समसामयिक राजनीतिक विषयहरूबारे विस्तृत छलफल हुने बताइएको ।

पार्टीका प्रचार विभाग प्रमुख प्रकाश ज्वालाका अनुसार अघिल्लो सचिवालय बैठकमा अध्यक्ष नेपालले आफूविरुद्ध दायर मुद्दाबारे ब्रिफिङ गरेका थिए र अहिले त्यसको निरन्तर छलफल हुने तय भएको छ । यसका साथै नेता रामकुमारी झाँक्रीको अभिव्यक्तिसँग सम्बन्धित विषय पनि बैठकमा उठ्ने बताइएको छ ।

यद्यपि त्यो एजेन्डाका रूपमा औपचारिक रूपमा तय नभए पनि छलफलका क्रममा विषय प्रवेश हुने एक नेताले जानकारी दिएका छन् । अध्यक्ष नेपालमाथि भ्रष्टाचार मुद्दा दर्ता भएपछि नेता झाँक्रीले पार्टीको अर्ली महाधिवेशन गरेर नयाँ नेतृत्व चयन गर्नुपर्ने धारणा राखेकी थिइन् ।

उनले ‘सिनो बोकेर हिँड्न सकिँदैन’ भन्ने अभिव्यक्ति दिएपछि पार्टीभित्र तीव्र आलोचना खेप्नुपरेको छ । बैठकले झाँक्रीको अभिव्यक्ति र त्यसले पार्टीभित्र पारेको प्रभावबारे पनि विचार–विमर्श गर्ने अपेक्षा गरिएको छ । समाचार bishwokhabar.com बाट ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |