जिल्ला स्तरीय टी –२० क्रिकेट प्रतियोगितामा प्रथम हुने टिमद्वारा नगरप्रमुख तामाङलाई विजयी ट्रफी हस्तान्तरण

काठमाण्डौ, २५ असार । पाँचपोखरी थाङपाल गाउँपालिकाको आयोजनामा गत जेष्ठ २७ देखि असार २ गते सम्म अन्तराष्ट्रिय क्रिकेट मैदान किर्तिपुरमा सम्पन्न जिल्ला स्तरीय टी–२० क्रिकेट प्रतियोगितामा मेलम्ची नगरपालिकाको टिम प्रथम हुने गौरव हासिल गर्न सफल भएको छ।

यस उपलब्धिलाई सम्मान गर्दै टिमले बुधबार नगर प्रमुख आदरणीय श्री आइतमान तामाङज्युलाई विजयी ट्रफी हस्तान्तरण गर्नुभएको छ। प्रतियोगितामा मेलम्ची नगरपालिकाको टिम प्रथम रहँदा, आयोजक पाँचपोखरी थाङपाल गाउँपालिकाको घरेलु टिम उपविजेता बन्न सफल भएको थियो ।

यस गौरवपूर्ण उपलब्धिमा सहभागी सम्पूर्ण खेलाडी, प्रशिक्षक तथा टिम व्यवस्थापनलाई हार्दिक बधाई तथा आगामी दिनमा अझ उत्कृष्ट सफलता मिलोस् भन्ने शुभकामना व्यक्त गर्दछौं।

सम्बन्धित समाचार…मेलम्ची नगरपालिकाभित्र रहेका विभिन्न विद्यालयहरूमा कार्यरत ५२ जना बालविकास सहजकर्ताहरूलाई नगर शिक्षा शाखाको आयोजनामा ५ दिने कस्टमाइज्ड तालिम प्रदान गरिएको छ। राष्ट्रियस्तरका विज्ञ प्रशिक्षकबाट दिइएको यस तालिमले शिक्षण कार्यमा नवीन दृष्टिकोण, व्यवहारिक सीप र सशक्त प्रेरणा थप्ने विश्वास नगरले गरेको छ।

तालिमको अनुगमन गर्नुहुँदै नगर प्रमुख श्री आइतमान तामाङज्यूले बालविकास कक्षामा कार्यरत शिक्षक/शिक्षिकाको भूमिका महत्वपुर्ण हुने भएकोले बालबालिकाको उज्यालो भविष्य निर्माण गर्न यस तालिमहरूले शिक्षणमा नवीन ऊर्जा ल्याउँछ र बालमैत्री वातावरणको विकासमा मद्दत पुग्ने विश्वास व्यक्त गर्नु भयो ।

शिक्षा अधिकृत श्री सुदिनराज बुढाथोकीले बालबालिका देशको कर्णधार भएकोले तिनीहरूको समुचित विकासका लागि शिक्षक मार्फत दिइने गुणस्तरीय सिकाइ अत्यन्तै आवश्यक रहेको र अब यो तालिमले सहजकर्ताहरूलाई अझ जिम्मेवार र सक्षम बनाउन थप मद्दत पुग्ने बताउनु भयो । शिक्षाको गुणस्तर वृद्धिमा यसप्रकारका पहलहरूले दीर्घकालीन सकारात्मक प्रभाव पार्ने विश्वास समेत ब्यक्त गर्नु भयो ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |