पार्टीपंक्ति माझ सभापति शेरबहादुर देउवाको चाहनाबमोजिमको सन्देश प्रवाह

काठमाडौँ ,29 असार | सत्तारुढ दल कांग्रेसको साताव्यापी केन्द्रीय समिति बैठक राष्‍ट्रीय राजनीति, सरकार र पार्टीपंक्ति माझ सभापति शेरबहादुर देउवाको चाहनाबमोजिमको सन्देश प्रवाह गर्दै सकि सरकारमा सहभागी भएपछि ९ महिनादेखि कांग्रेस केन्द्रीय समिति बैठक नै बसेको थिएन। नियमित बैठक राख्दा नेताहरूले जथाभावी टिप्पणी गर्लान्, र एमालेसँगको गठबन्धनमा खटपट आउला भन्‍ने भयले सभापति देउवाले बैठक टार्दै आएका थिए। तर, ९ महिनापछि बसेको बैठक पनि अन्ततः सभापति देउवाकै अनुकूलतामा टुंगिएको छ।

नेताहरूका अनुसार यसपटकको बैठकमा पार्टीको आन्तरिक संगठनका समस्या, १५औं महाधिवेशनको तयारी र मन्त्रीहरूको आलोचनाले स्थान पायो। अन्तिममा सभापति देउवाले तत्कालै एमालेसँगको गठबन्धनमा कुनै तलमाथि नहुनेदेखि ०८४ को आमनिर्वाचनपछि मात्रै पार्टीको १५औं महाधिवेशन हुनेसम्मका सन्देश छोडे।

बैठकमा देउवाले आफूलाई विधान र संविधानले दिएको कार्यकालभित्रै नेतृत्व हस्तान्तरण गर्ने बताए, जसको घुमाउरो अर्थ हो- पहिले आमनिर्वाचन, त्यसपछि पार्टीको १५औं महाधिवेशन। महामन्त्री गगन थापाले भने आगामी केन्द्रीय समिति बैठकमा महाधिवेशनको कार्यतालिका प्रस्ताव गरिने उद्घोष गरे।

मुलतः यसपटकको केन्द्रीय समिति बैठक पार्टीभित्रको गुटबन्दी र संगठनमा त्यसले पुर्‍याएको असरबारे चर्चा गर्दै सकिएको छ। ‘केन्द्रीय समिति बैठक विचारविहीन, एजेन्डाविहीनजस्तै बन्यो। जनजीविकाका सवालभन्दा पार्टीका गुट, नेता र संगठनमा ती कारणहरूले देखिएका समस्याका विषयमा आरोप प्रत्यारोप गर्दै बैठक सकियो,’ एक केन्द्रीय सदस्य भन्छन्, ‘विगतमा जस्तो यो बैठकले पार्टीपंक्तिमै पनि नयाँ सञ्‍चार गर्न सकेन।’

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |