भगवानलाई सच्चा मनले दर्सन गरि पुष्प जल चढाएर हरेक काम को सुरुवात गरौं आजको राशिफल हेर्नुहोस

काठमाडौँ ३२ असार, मेष राशि (चु, चे, चो, ला, लि, लु, ले, लो, अ): व्यस्तता वृद्धि हुनेछ । उद्योग तथा व्यापारमा सामान्य फाइदा मिलेपनि नसोचेको ठाउमा खर्च हुन सक्छ । अस्वाभाविक प्रलोभनले अप्ठ्यारोमा परिएला । व्यवहारिक विषयलाई लिएर मनमा चिन्ता बढ्ने योग छ । धनमाल हराउन सक्छ । स्वास्थ्य पनि केही कमजोर रहने देखिन्छ । यात्रागत कार्य सार्थक रहनेछ । आफन्तको साथ प्राप्त हुनेछ ।

बृष राशि (इ, उ, ए, ओ, बा, बि, बु, बे, बो): आजको दिन मिश्रित फलदायी रहला । लगानी, दौडधुप, श्रम र प्रयत्नको उचित परिणाम प्राप्त हुन नसक्ने समय छ । भाग्यले खासै साथ दिनेछैन । खर्च बढ्नुका साथै लेनदेनमा विवाद आउन सक्छ, संयमतापूर्वक काम गर्नुहोला । चिताएको काम पूरा नभएपनि अचानक उत्साहजनक समाचारले हर्ष बढ्नसक्छ । आफन्तमिलनले सुख दिने योग छ । बौद्धिक र रचनात्मक काममा सफलता मिल्ला ।

मीथुन राशि (का, कि, कु, घ, ङ, छ, के, को, ह): सानो प्रयत्नले पनि ठूलै काम सम्पादन हुने समय छ । व्यापारमा सफलता मिल्नेछ भने लाभदायी यात्राको अवसर जुर्नसक्छ । आम्दानी बढ्नुका साथै भौतिक साधन जुटाउन सकिनेछ । आश मारेको काम बन्नाले उत्साह जागृत होला । आर्थिक उपार्जनको योग छ तर व्यर्थको खर्चले मन पिरोल्न सक्छ । पराक्रम वृद्धि भइ साझेदारीको काम बन्नेछ । शत्रुपक्ष परास्त हुनेछ । बौद्धिकताको सही प्रयोगले समस्याको समाधान प्राप्त हुनेछ ।

कर्कट राशि (हि, हु, हे, हो, डा, डि, डु, डे, डो): विशिष्टजनको विशेष सहयोग जुट्नाले आर्थिक कार्यमा राम्रै लाभ मिल्ने समय छ । धार्मिक अनुष्ठान र मंगलमय काम सम्पादन हुन सक्छन् । अधुरा काम बन्ने र नोकरी एवम् राजनीतिमा उत्साहजनक सफलता प्राप्त हुने योग छ । मनोरञ्जनात्मक तरिकाबाट काम बन्ला । प्रियजनसँगको भेटले मन प्रफुल्ल रहनेछ । प्रेमभाव का साथै रसरागमा आकर्षण बढ्ने देखिन्छ ।

सिंह राशि (मा, मि, मु, मे, मो, टा, टि, टु, टे): आश्वासन दिएर झुक्याउनेहरूले सताउनसक्ने समय रहेकोले गोपनीयतामा ध्यान दिँदै सचेत रहनु हितकर होला । निश्चय भएको काम अचानक बिग्रन सक्छ । निकटका साथीसंगीबाट पनि धोका हुनसक्ने सम्भावना छ । तथापि, अथक परिश्रमले काममा रुचि बढ्ने र आर्थिक क्षेत्रमा राम्रै प्रगति होला । वादविवादको सामना गर्नुपर्ने योग रहेकोले बोली र व्यवहारमा संयमता अपनाउनुहोला । सन्तानसुख बढ्नेछ । कलात्मक काममा सफलता मिल्नेछ ।

कन्या राशि (टो, प, पि, पु, ष, ण, ठ, पे, पो): आजको दिन नयाँ कामको सुरुवात खासै राम्रो नहोला, कार्यमा हैरानी बढ्न सक्छ । तर, कीर्तिमानी काम सम्पादन हुनसक्ने योग छ । विभिन्न अवसर पाइनेछ भने व्यापारमा सफलता पाउने, यात्रामा रमाउने र भेटघाटमा सहयोग मिल्ने देखिन्छ । जागिरको काममा केही त्रासको माहोल बन्न सक्छ, सजग रहनुहोला । आगो र मेसिनरी सामग्रीबाट जोगिन आज विशेष सजगता अपनाउनु हितकर होला ।

तुला राशि (र, रि, रु, रे, रो, ता, ति, तु, ते): सानातिना समस्या आइरहे पनि दिन मनोरञ्जनपूर्ण रहनेछ । गरेका कामबाट धेरैलाई फाइदा पुग्ने देखिन्छ । सामाजिक काममा रुचि बढ्नेछ । व्यापार र रोजगारीका क्षेत्रमा लाभ नै मिल्ने योग छ । धन आर्जनको दृष्टिले राम्रो दिन छ । तथापि, मान–सम्मान मिले पनि मनमा डर रहला । साहसिक काममा आकर्षणका साथै यशवर्चश्व बढ्नेछ ।

वृश्चिक राशि (तो, ना, नि, नु, ने, नो, या, यि, यु): एउटै कामबाट दोहोरो लाभ मिल्ने समय छ । विशेष योजनाहरू बन्नेछन् भने अप्रत्याशित लाभको योग छ । नयाँ कामका स्रोत फेला पर्लान् । नयाँ ज्ञान पनि सिक्ने अवसर जुर्नेछ । लेखाइपढाइमा प्रगति होला । रोकिएको काम मिहेनतले बन्नेछ । आरोग्यबल वृद्धि होला । समग्रमा दिन मनोरञ्जनपूर्ण ढंगले बित्ने देखिन्छ ।

धनु राशि (ये, यो, भ, भि, भु, ध, फा, ढ, भे): नयाँ काममा हात हाल्न केही समय पर्खंनु उचित हुनेछ । गरी आएको कामलाई भने निरन्तरता दिन सकिनेछ । अनावश्यक झमेलामा परिने र पीडा दिनेहरु सक्रिय रहन सक्छन्, एकदमै सवधान रहनुहोला । सबल स्वास्थ्यका लागि आज खानपानमा पनि विशेष सावधान रहनुहोला । आर्जित धन बचत हुने प्रवल सम्भावना छ । रसरागात्मक काममा आकर्षण रहनेछ तर विपरीतलिङ्गीसँग आज दूरी बनाउनु नै हितकर हुनेछ ।

मकर राशि (भो, ज, जि, खि, खु, खे, खो, गा, गि): लगनशीलताले राम्रै उपलब्धि दिलाउने दिन छ । प्रतिभा देखाएर अवसर हातपार्न सकिएला । भूमि, वाहन र पैत्रिक सम्पत्तिको उपयोगबाट राम्रै लाभ उठाउन सकिनेछ । तथापि, पीडा दिनेहरु सक्रिय हुन सक्छन्, सावधान रहनु होला । खर्च पनि केही वृद्धि हुनेछ । रमाइलो तरिकाले कामहरु गर्न पाइनाले मन उल्लसित रहनेछ । शत्रुलाई जित्ने सामथ्र्य बढ्नेछ । नियमकानूनले साथ दिनेछ ।

कुम्भ राशि (गु, गे, गो, सा, सि, सु, से, सो, द): व्यवहारिक क्षेत्रमा मन लाग्ने तथा मेहनतले प्रतिस्पर्धाको दौड जिताउनसक्ने समय छ । भौतिक साधन जुट्नेछन् । व्यापारमा पनि फाइदा नै हुनेछ । आफूले सोचेभन्दा बढी नै लाभ हुने योग छ । काममा मातापिताको सहयोग प्राप्त होला । आयबल बढ्नेछ । राम्रो कमाइका कारण सुख मिल्नेछ । कुनै पनि प्रकारको शारीरिक र आर्थिक विकाससित सम्बन्धित कार्यमा सफलता मिल्ने योग छ ।

मिन राशि (दि, दु, थ, झ, ञ, दे, दो, च, चि): भाग्यबल वृद्धि भइ सुख-सुविधाको बस्तु बढ्नेछन् । सुख विलास मिल्ने देखिन्छ । साथै, धनमाल कमाउने दिन छ । व्यवसायका लागि यात्राको सम्भावना छ । दाम्पत्य जीवन सुखद रहला । अरूलाई प्रभावित पारेर काम लिन सकिनेछ । मेहनतले सफलता दिलाउनेछ । काममा मन जानेछ भने मिठो भोजन प्राप्त हुने योग छ ।

https://simple-allow-copy.en.softonic.com/chrome/extension#google_vignette
simple-allow-copy.en.softonic.com
दर्शित
हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

www.youtube.com