साउन महिनाको सोमबारः शिवको आराधनाबाट मोक्षको बाटो, मनोशान्ति र ऐश्वर्य प्राप्तिको अनुपम अवसर

साउन महिना प्रारम्भ हुनासाथ हिन्दू धर्मावलम्बीहरूमा विशेष भक्तिभाव जागृत हुन्छ । विशेषगरी सोमबार, जसलाई भगवान् शिवको प्रिय बार मानिन्छ, त्यस दिनको महत्व अझ विशेष रहन्छ । हरियालीले ढपक्क ढाकिएको प्राकृतिक परिवेश, वर्षाका रिमझिम संगै आउने धार्मिक आस्थाले यो महिनालाई आध्यात्मिक उर्जाले भरिएको बनाउँछ ।

शिव महापुराण अनुसार, साउनको सोमबार विधिपूर्वक व्रत बस्न, शिवको जलाभिषेक, रुद्राभिषेक, मन्त्रजप तथा उपासना गर्नाले भगवान् शिव प्रसन्न भई भक्तजनलाई इच्छित वरदान प्रदान गर्ने विश्वास गरिन्छ । साउन मासलाई ‘शिव महिना’ भनिनुका कारण यही हो — सम्पूर्ण महिनाभर शिवको आराधना, पूजन, व्रत, ध्यान र ध्यानमार्फत मोक्षको मार्ग प्रशस्त हुने मानिन्छ ।

धार्मिक विश्वासअनुसार शिव पञ्चमुखी हुन् । चार दिशामा चारमुख र बीचमा एक – पाँचवटा मुखले पृथ्वी, जल, अग्नि, वायु र आकाश नामका पञ्चतत्त्वसँग सम्बन्ध राख्दछन् । शिव पञ्चतत्त्वका स्वामी हुन् र यही तत्त्वहरूमा सम्पूर्ण सृष्टिको रहस्य लुकेको छ । शिव ब्रह्म पनि हुन्, गुरु पनि, सृष्टिकर्ता पनि अनि संहारकर्ता पनि ।

शिवले सम्हाल्नु भएको शस्त्रहरू – शूल, वज्र, खड्ग, अग्नि, पिनाक, पास इत्यादि प्रतीकात्मक रूपमा हामीलाई यही सिकाउँछन् कि शिवदर्शन आत्मनियन्त्रण, अहंकारको विनाश र सात्विक जीवनको मार्ग हो ।

साउन सोमबारको व्रतले तन, मन र धन शुद्ध हुन्छ भन्ने जनविश्वास छ । यस व्रतले भौतिक समृद्धि मात्र होइन, आध्यात्मिक उन्नतिमा पनि सहयोग पुर्‍याउँछ । चन्द्रको उपासना तथा शिव दर्शनले लक्ष्मी प्राप्ति, मनोकामना पूर्ति र गृहस्थ जीवनमा सुख–शान्तिको वृद्धि हुने विश्वास गरिन्छ ।

‘ओम् नमः शिवाय’ मन्त्रलाई शिवको सबैभन्दा प्रभावशाली मन्त्र मानिन्छ । यो मन्त्र पञ्चाक्षरी हो — जसमा शिवतत्व समाहित छ । सात करोड मन्त्रहरूमध्ये सबैभन्दा प्रभावशाली भएर ओम् नमः शिवाय नै ब्रह्माण्डीय शक्ति हो भन्ने शिव महापुराणको उल्लेख छ । यो मन्त्रको जपबाट शिवत्व प्राप्त हुन्छ । यसै कारण साउनमा यो मन्त्र विशेष रुपमा जप गरिन्छ ।

शिवको आराधनामा सधोजात, वामदेव, अघोर, तत्पुरुष र ईशान नामका पाँच रुपहरू समावेश छन् । यी रुपहरूमार्फत शिवको पूर्ण स्वरूप बुझ्न सकिन्छ — जसमा उग्रता, करुणा, ज्ञान, रहस्य, सृष्टि र विनाशको गूढतम दर्शन पाइन्छ ।

अन्त्यमा, साउन र सोमबार शिवभक्तका लागि केवल व्रतको समय होइन, आत्मशुद्धिको काल पनि हो । शिवको आराधनाले लोभ, मोह, रिस, क्रोध जस्ता नकारात्मक भावनालाई हटाएर आत्मशान्ति, सद्बुद्धि र मोक्षको बाटोमा अग्रसर गराउँछ । त्यसैले साउनको सोमबार केवल रिवाज होइन, त्यो त आत्मकल्याणको अनुपम अवसर हो ।

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् !

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर!

1. Na Jiuna Sake Na Marna Sake – Satya Raj Acharya & Chiranjivi Bhandari

2. Nai Nabhana – New Nepali Dancing Song 2024

3. Timi Sangai Huna – Love Song by Milan Newar & Chiranjivi Bhandari

4. Tum Dil Ki Dhadkan Mein – Unplugged Cover by Chiranjivi Bhandari (2019)

5. Bistarai Bistarai Timi Meri – Melina Rai & Chiranjivi Bhandari