१२ भाद्र २०८२, बिहीबार

युवा नेतृत्वका लागि रास्वपाको ‘फ्युचर लिडर्स समिट २०२५’ हुने, ७७ वटै जिल्लाबाट सहभागी हुने

CB Nepal३ हफ्ता अघि

काठमाडौं, साउन १९ – राष्ट्रिय स्वतन्त्र पार्टी (रास्वपा)ले युवा सशक्तिकरण, नेतृत्व विकास र नवप्रवर्तन प्रवर्द्धन गर्ने उद्देश्यसहित आगामी साउन २७ गते ‘फ्युचर लिडर्स समिट २०२५’ आयोजना गर्ने भएको छ। अन्तर्राष्ट्रिय युवा दिवस (अगस्ट १२) को अवसर पारेर आयोजना गरिँदै गरिएको यो भव्य कार्यक्रम काठमाडौंको कुपन्डोल हाइटस्थित म्याक्सिम्स इभेन्ट्स हलमा हुनेछ।

रास्वपाको युवा तथा खेलकुद विभागद्वारा आयोजित यो समिट नेपालभरिका युवाहरूका लागि एक प्रेरणादायी मञ्च बन्ने अपेक्षा गरिएको छ। पार्टीका अनुसार ७७ वटै जिल्लाबाट प्रतिनिधित्व हुने गरी चयन गरिएका युवाहरू समिटमा सहभागी हुनेछन्।

समिटको मुख्य उद्देश्य:

‘फ्युचर लिडर्स समिट २०२५’ को माध्यमबाट युवाहरूलाई सामाजिक, राजनीतिक, र आर्थिक क्षेत्रमा सशक्तिकरण, सीप विकास, डिजिटल पहुँच र साक्षरता, तथा मानसिक स्वास्थ्यको चेतना अभिवृद्धि गर्ने लक्ष्य राखिएको छ।

समिटमा युवा उद्यमशिलता, नवप्रवर्तन, सामाजिक विकास, डिजिटल प्रविधिको सदुपयोग, खेलकुद, नेतृत्वदक्षता लगायतका विषयमा गहिरो छलफल, प्रशिक्षण र नेटवर्किङ सत्र हुने बताइएको छ।

नवप्रवर्तन र उद्यमशिलता प्रवर्द्धन गर्ने स्टलहरू पनि

कार्यक्रमस्थलमा विभिन्न स्टार्टअप र सामाजिक उद्यमहरूसँग सम्बन्धित स्टलहरू राखिने छन्, जहाँ युवाहरूले नयाँ प्रविधि, नवाचार र स्थानीय उत्पादनहरूको प्रवर्द्धनसम्बन्धी जानकारी लिन सक्नेछन्।

रास्वपाले युवाहरूलाई नेतृत्वदायी भूमिकामा प्रेरित गर्न, राष्ट्र निर्माणमा सशक्त सहभागिता जनाउन र सामाजिक रूपान्तरणको संवाहक बन्न सशक्त बनाउन यो समिटको आयोजना गरिएको स्पष्ट पारेको छ।

प्रभावशाली वक्ताहरूको सहभागिता

समिटमा युवा प्रेरणाका प्रतीक प्रविधि नवप्रवर्तक, उद्यमी, सामाजिक अभियन्ता, खेलकुद क्षेत्रका दिग्गज, तथा अन्य प्रेरणादायी व्यक्तित्वहरूलाई बोलाएर उनीहरूको जीवन अनुभव र सफलता यात्रामार्फत सहभागी युवालाई सशक्त बनाउने कार्यक्रम राखिएको छ।

यो कार्यक्रमले भविष्यका नेतृत्वकर्ता निर्माणमा योगदान पुर्‍याउने विश्वास आयोजकको छ। समिटपछि तयार पारिने रणनीतिहरूलाई नीति निर्माणमा समेत उपयोग गरिने सम्भावना रहेको स्रोतको दाबी छ।

रमाईलो र मनोरञ्जन खोज्दै हुनुहुन्छ?
भिडियो, गीत–सङ्गीत र सकारात्मक उर्जाले भरिपूर्ण सामग्री हेर्न चाहनुहुन्छ भने Chiranjivi Bhandari YouTube च्यानल मा आजै जोडिनुहोस् ! 🎬🎶

मन छुने भिडियोहरू यहीं छन्:
Chiranjivi Bhandari YouTube Channel

सम्पूर्ण समाचार र रमाईलोका लागि:
CB Nepal फेसबुक पेज
रमाईलो कुरा फेसबुक पेज
CBNepal YouTube च्यानल

हामी तपाईंलाई मनोरञ्जनका साथसाथै पलपलको सूचना, समाचार र सामाजिक अपडेटहरू दिने निरन्तर प्रयासमा छौं।

आउनुहोस्, काँधमा काँध मिलाएर हातेमालो गरौँ।
Like, Share, Follow अनि Subscribe गर्न नबिर्सिनु होला है हजुर!

1. Na Jiuna Sake Na Marna Sake – Satya Raj Acharya & Chiranjivi Bhandari