आज २०८२ साल भदौ १६ गते सोमबारको राशिफल

काठमाडौं – आज २०८२ साल भदौ १६ गते सोमबार, भाद्र शुक्ल पक्षको नवमी तिथि, तदनुसार सन् २०२५ सेप्टेम्बर १ तारिख परेको छ । नक्षत्र र चन्द्रमाको आधारमा व्यक्तिको दैनिक जीवनमा हुने उतारचढावको भविष्यवाणी हुने गर्दछ । साहस खबरका लागि ज्योतिष पण्डित सूर्यनाथ लुइटेलले आजको १२ राशिको फलादेश तयार पार्नुभएको छ ।

हेर्नुहोस्, तपाईंको दिन कस्तो छ —

मेष (Aries) – नयाँ साथीभेट र विदेशमा लगानीबाट फाइदा हुने दिन । स्वास्थ्यमा सुधार भए पनि परिवारमा सामान्य खटपटी बढ्न सक्छ ।

वृष (Taurus) – परिवारमा मेलमिलाप र घुमघामको योग । हराइरहेको सम्पत्ति पाउन सक्ने सम्भावना । स्वास्थ्यमा विशेष ख्याल आवश्यक ।

मिथुन (Gemini) – बोलीप्रति सजग हुनुपर्ने दिन । व्यापारमा घाटा र पढाइमा मिहिनेत बढाउनुपर्ने समय । परिवारले भने साथ दिनेछ ।

कर्कट (Cancer) – शिक्षामा प्रगति र स्वास्थ्यमा सुधार हुने योग । विदेश मोहले मन आकर्षित गर्नेछ तर पश्चिमतर्फ लामो यात्रा नगर्नु उपयुक्त हुन्छ ।

सिंह (Leo) – अनावश्यक यात्रामा समय र खर्च बढ्ने संकेत । कार्यमा अवरोध भए पनि परिवारको साथले मनमा सन्तोष आउनेछ ।

कन्या (Virgo) – कृषिमा लगानी लाभदायक बन्नेछ । राजनीतिक क्षेत्रमा पहुँच विस्तार हुने सम्भावना । स्वास्थ्यमा सुधार र सामाजिक सेवाको अवसर पाइनेछ ।

तुला (Libra) – धनलक्ष्मी योग परेको दिन । सम्पत्तिको सदुपयोग गर्नुपर्ने छ । बौद्धिक व्यक्तिसँगको भेट लाभदायक हुनेछ । पढाइमा मेहनत आवश्यक ।

वृश्चिक (Scorpio) – साथीको साथले महत्त्वपूर्ण काम बन्नेछ । पढाइमा प्रगति र स्वास्थ्यमा सुधार हुने योग छ । काम गर्दा सचेत रहनु उत्तम हुन्छ ।

धनु (Sagittarius) – स्वास्थ्यमा सुधार र राजनीतिक क्षेत्रमा प्रगति हुने दिन । विपक्षीबाटै सहयोग पाउने सम्भावना । प्रेम सम्बन्ध सुमधुर बन्नेछ ।

मकर (Capricorn) – सञ्चित धन खर्च हुने दिन । परिवारको सल्लाह बिना ठुला कारोबार नगर्नु उपयुक्त । सामाजिक र राजनीतिक क्षेत्रमा प्रगति सम्भव ।

कुम्भ (Aquarius) – साथीसँगको भेट र गुरुको साथ लाभदायक हुनेछ । पढाइमा प्रगति हुने योग । धार्मिक कार्यमा सहभागी भएर दिनको सुरुवात गर्न शुभ हुनेछ ।

मीन (Pisces) – शुभग्रहको प्रभाव रहने दिन । पढाइमा जोस-जाँगर बढ्नेछ । लगानी लाभदायक हुनेछ । परिवारको साथ र दानपुण्य गरेर दिन सुरु गर्न उचित हुनेछ ।