पर्यटकीय गन्तव्य गुफाडाँडामा होम स्टे सञ्चालनमा नगरप्रमुख तामाङद्वारा उद्घाटन

काठमाडौँ, ३ असोज । मेलम्ची नगरपालिका–९ स्थित पर्यटकीय गन्तव्य गुफाडाँडामा होम स्टे सञ्चालनमा आएको छ । नगर प्रमुख श्री आइतमान तामाङले शुक्रबार एक विशेष समारोहका बीच उद्घाटन उक्त गर्नुभएको हो । उद्घाटन कार्यक्रममा उपप्रमुख श्रीमती उमा प्रधान, वडाध्यक्ष श्री किरणदिप खड्का लगायत स्थानीय प्रतिनिधिहरूको उपस्थिति थियो ।

गुफाडाँडा घुम्न आउनेको संख्या बढ्दै गए पनि खानाबस्नका सुविधा अभाव देखिएकाले होम स्टे सुरु गरिएको होमस्टे सञ्चालक निनामाया मोक्तानले जानकारी दिनुभयो । उहाँका अनुसार, मेलम्ची नगरपालिकासँगको साझेदारीमा बनेको यो होम स्टेले पर्यटकलाई कम्तीमा एक दिन गुफाडाँडाको वातावरणमा रमाउने अवसर दिने बताए।

सञ्चालक मोक्तानले गुफाडाँडा मात्र नभई आसपासका क्षेत्रलाई समेत पर्यटन प्रवर्द्धन गर्ने हाम्रो उद्देश्य रहेकोले स्थानीय उत्पादन, संस्कृतिको अनुभव र आतिथ्य मार्फत आगन्तुकलाई आकर्षित गर्ने योजना बनाएका बताउनु भयो । यससँगै गुफाडाँडा पर्यटकीय सम्भावना सहितको नयाँ आकर्षणका रूपमा विकसित हुने अपेक्षा गरिएको छ ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |