प्रदर्शनीका कारण भाटभटेनी सुपरस्टोरका १२ वटा स्टोर अझै सञ्चालनमा आउन सकेनन्

काठमाण्डौ, ३ असोज । गत भदौ २३ र २४ गतेको जेनजी प्रदर्शनीका कारण भाटभटेनी सुपरस्टोरका १२ वटा स्टोर अझै सञ्चालनमा आउन सकेका छैनन्। यद्यपि, भाटभटेनीले कुनै पनि कर्मचारीले जागिर तथा सेवा-सुविधा गुमाउन नपर्ने जनाएको छ। मुलुकमै युवापुस्तालाई बढीभन्दा बढी रोजगारी दिने उद्देश्य बोकेको भाटभटेनीमा १० हजार कर्मचारी आबद्ध छन्।

भाटभटेनी सुपरस्टोरका प्रमुख सञ्चालन अधिकृत पानु पौडेलले यो घटनापछि कुनै पनि कर्मचारी नहटाइएको जानकारी गराएका छन्। हाललाई बन्द रहेका १२ वटा सुपरस्टोरका कर्मचारीलाई अहिले सञ्चालन भइरहेका अन्य सुपरस्टोरमा काम लगाइएको भाटभटेनीले जनाएको छ।

२०४१ सालमा काठमाडौं नक्सालमा एउटा सटरबाट सुरु भएको भाटभटेनी डिपार्टमेन्टल स्टोर नेपालमा लगानी, रोजगारी र स्वदेशमै केही गर्न सकिन्छ भन्ने उदाहरण बनेको थियो। निर्देशक पौडेलका अनुसार देशभरि रहेका साढे दुई दर्जन स्टोरमध्ये ठूला एक दर्जन स्टोर पूर्णरुपमा ध्वस्त भएका छन् ।

प्रदर्शनकारीले भाटभटेनीका ती स्टोरमा तोडफोड, लुटपाट र आगजनी गरेका थिए। चावहिल चुच्चेपाटी, नक्साल, महाराजगञ्ज, बौद्ध, कोटेश्वर, बालुवाटार वेयरहाउसमा तोडफोड, लुटपाट र आगजनी गरिएको छ। त्यसैगरी पोखरा, चितवन, हेटौँडा, बिर्तामोड, दमक, विराटनगर र धरानका सुपरस्टोर पनि ध्वस्त पारिएका छन्।

लुटपाट र तोडफोडचाहिँ दर्जन हाराहारीका स्टोरमा भएका छन्। उपत्यकाभित्र कलंकी, बालाजु, थिमी र उपत्यका बाहिर जनकपुर, बुटवल, वीरगञ्ज, धनगढी, इटहरी र भैरहवाका स्टोरमा क्षति पुगेको छ। गत चैत १५ गते तीनकुनेमा राजावादीको प्रदर्शनको बेला कोटेश्वरको भाटभटेनीमा लुटपाट र तोडफोड भएको थियो जसमा ८० लाख ३३ हजारभन्दा बढीको क्षति भएको थियो।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |