सामरी इन्टरनेसनल र एमकेएम फेसन हाउसको सहकार्यमा ‘मिस एण्ड मिसेस नेपाल इन्टरनेसनल वर्ल्ड २०२५’ सम्पन्न

काठमाडौं २९ असोज । सामरी इन्टरनेसनलले एमकेएम फेसन हाउससँग सहकार्यमा राजधानीमा आयोजना गरेको सौन्दर्य प्रतियोगिता ‘मिस एण्ड मिसेस नेपाल इन्टरनेसनल वर्ल्ड २०२५’ सम्पन्न भएको छ। प्रतियोगितामा ‘मिस’ तर्फ अधिक कुमारी थापा मगर र ‘मिसेस’ तर्फ चन्दु बलामी शीर्ष विजेता बनेका छन्।

दुवै विजेताले उपाधिसँगै नगद पुरस्कार तथा उपहार प्राप्त गरे। ‘मिस’ तर्फ प्रेक्षा श्रेष्ठ फर्स्ट रनरअप घोषित भइन् भने ‘मिसेस’ तर्फ सरु कार्की फर्स्ट रनरअप र डा. मिना प्रधान सेकेन्ड रनरअप बने। विधागत उपाधिहरूमा रञ्जु कार्की ‘पब्लिक च्वाइस’, युनिसा राई ‘भ्युअर्स च्वाइस’ र सानु थापा ‘म्यानेजमेन्ट च्वाइस’ घोषित भए।

प्रतियोगिताको निर्णायक मण्डलमा सेफ गोविन्द नरसिंह केसी, समाजसेवी तथा व्यवसायी सोनिया चाम्लिङ राई, गायक तथा र्‍यापर निर्णय श्रेष्ठ (NSK), र्‍यापर तथा राजनीतिज्ञ सिड वाग्ले, र समाजसेवी दिलसागर वाग्ले रहेका थिए।

विजेता र उपविजेतालाई पूर्व सांसद छिरिङ ल्हामु लामा (तामाङ), एनआरएनएका पूर्व अध्यक्ष विनोद कुँवर, र सेफ एसोसिएसनका अध्यक्ष रेशमकुमार लामा तामाङले पुरस्कार प्रदान गरे।
सामरी इन्टरनेसनलका अध्यक्ष भरत सामरीका अनुसार, प्रतियोगिता महिलाको सुन्दरता र प्रतिभालाई उजागर गर्दै महिला सशक्तिकरणको उद्देश्यले आयोजना गरिएको हो।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |