नगरप्रमुख आइतमान तामाङको प्रमुख आतिथ्यमा इन्द्रावती क्याम्पसको १८ औँ वार्षिक उत्सव सम्पन्न

मेलम्ची, २८ सिन्धुपाल्चोक । इन्द्रावती क्याम्पस मेलम्चीको १८औँ वार्षिक उत्सव तथा क्याम्पस सभा प्रमुख अतिथि मेलम्ची नगरप्रमुख श्री आइतमान तामाङज्यूको प्रमुख आतिथ्यमा सम्पन्न भयो । समारोहलाई सम्बोधन गर्नुहुँदै प्रमुख तामाङज्यूले इन्द्रावती क्याम्पसले स्थानीय युवालाई घरैमा बसेर उच्चस्तरीय शिक्षा हासिल गर्न सिर्जना गरेको अवसरको उच्च प्रशंसा गर्नुभयो।

उहाँले क्याम्पसलाई नगरको शैक्षिक पहिचान बोकेको महत्वपूर्ण धरोहरका रूपमा चित्रण गर्दै “शिक्षा नै विकासको आधारशिला हो” भनेर आगामी दिनमा गुणस्तरीय शिक्षालाई अझ सुदृढ बनाउन सबै पक्षले हातेमालो गर्नुपर्नेमा जोड दिनुभयो।

विशेष आतिथ्यतामा रहनुभएका उपप्रमुख श्री उमा प्रधानज्यूले क्याम्पसले समुदायमा पुर्‍याएको शैक्षिक योगदानको प्रशंसा गर्दै विद्यार्थीलाई अनुशासन, उत्तरदायित्व र सामाजिक संवेदनशीलतासँग अघि बढ्न आग्रह गर्नुभयो।

क्याम्पस प्रमुख राधाकृष्णा श्रेष्ठज्यूले विगत वर्षको प्रतिवेदन प्रस्तुत गर्दै आगामी वर्षमा अनुसन्धानमुखी तथा विद्यार्थी केन्द्रित शैक्षिक कार्यक्रमलाई अझ प्रभावकारी बनाउन प्रतिबद्धता व्यक्त गर्नुभयो।अध्यक्ष महेश दुलाल (सिपी)ज्युको अध्यक्षतामा सम्पन्न कार्यक्रमले संस्थागत विकास र शैक्षिक उन्नयनप्रति सामूहिक प्रतिवद्धता सहित समापन भएको थियो ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |