“सरकारमा माओवादी केन्द्र भएको भए शिक्षक अपमानित हुने थिएनन् : प्रचण्ड”

काठमाडौं, साउन १० – नेकपा माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल ‘प्रचण्ड’ले हालको सत्ता संरचना शिक्षकप्रति अपमानजनक रहेको आरोप लगाएका छन्। काठमाडौंको सितापाइला स्थित सहिद शिक्षक स्मृति केन्द्रमा बहुउद्देश्यीय भवन उद्घाटन कार्यक्रममा बोल्दै उनले माओवादी केन्द्र सरकारमा भएको भए शिक्षकहरू सडकमा आउनुपर्ने अवस्था नै आउने थिएन भन्ने दाबी गरे। प्रचण्डले भने, “शिक्षकहरूलाई संविधानले दिएको सम्मान कार्यान्वयन भएको भए उनीहरू सडकमा आउनुपर्दैनथ्यो। माओवादी केन्द्र सरकारमा भएको भए शिक्षकमाथि यस्तो अपमानजनक व्यवहार कदापि हुने थिएन।” उनले हालको सरकारले आफैंले शिक्षकसँग गरेका सहमति कार्यान्वयन गर्न तत्परता नदेखाएको भन्दै आक्रोश व्यक्त गरे। “सरकार