“रौतहटको गौरमा सुटकेसभित्र अज्ञात महिलाको शव फेला

रौतहट । रौतहटको गौर नगरपालिका–९, गौर सिर्सिया सडक खण्डअन्तर्गत मुडवालवा मोडमा भेटिएको सुटकेसभित्रको शवको पहिचान खुलेको छ। जिल्ला प्रहरी कार्यालय रौतहटका अनुसार उक्त शव माधवनारायण–६ की ३५ वर्षीया रुबिकुमारी साहको भएको पुष्टि भएको हो। गौरमा बच्चा पढाउन डेरामा बस्दै आएकी रुबिकुमारी दुई दिनदेखि बेपत्ता रहेकी थिइन्। परिवारले खोजी थालेपछि प्रहरीले अनुसन्धान अगाडि बढाएको थियो। शनिबार राति करिब ८ बजे सडक किनारमा डोरीले बाँधिएको अवस्थामा सुटकेश भेटिएपछि प्रहरी टोलीले निगरानी राखेको थियो। आइतबार बिहान खोल्दा रुबिकुमारीको शव फेला परेको हो। प्रहरीले यसलाई हत्या प्रकरणको आशंका गर्दै विस्तृत अनुसन्धान सुरु गरेको छ।