१४ वर्षपछि भेटिन आमा-बुबा

काभ्रेपलाञ्चोक — १४ वर्षअघि बीच बाटोमै छाडेर बेपत्ता भएका आमा–बुबासँग बल्ल भेट भएकी छिन् स्वस्तिका केसी। अभिभावकविहीन जीवन बिताउँदै आएकी उनी अब भने कानुनी रूपमा पनि नेपाली नागरिक बनेकी छिन्। धुलिखेल नगरपालिका–७ स्थित सिद्धार्थ बालगृहमा लामो समयदेखि बस्दै आएकी स्वस्तिकालाई उनका पिता विष्णुराज केसीले वंशजको आधारमा नागरिकता बनाइदिएका हुन्। सिन्धुपाल्चोकको चौतारा साँगाचोकगढी नगरपालिका–१० मा रहेको उनको स्थायी ठेगानाबाट जिल्ला प्रशासन कार्यालयले नागरिकता जारी गरेको हो। स्वस्तिकाको पहिचान र नागरिकता दिलाउन समाजसेवी अर्जुन भुसाल, बालगृह सञ्चालक सर्मिला श्रेष्ठ, र स्वस्तिकालाई एक वर्ष साथ दिएकी राधा माकजुसहितका थुप्रै व्यक्तिको सक्रियता थियो। स्वस्तिकाको