“अनुमोदन नभएको भए एमसीसी जस्ताको तस्तै पारित हुने थियो” – प्रचण्ड

काठमाडौं — नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ले मिलेनियम च्यालेञ्ज कर्पोरेशन (एमसीसी) सम्झौता व्याख्यात्मक टिप्पणीसहित पारित गर्न बाध्य भएको खुलासा गरेका छन्। उनका अनुसार, संसदबाट अनुमोदन नभएको खण्डमा एमसीसी सम्झौता जस्ताको तस्तै पारित हुने गम्भीर खतरा देखिएको थियो, जसले गर्दा माओवादी केन्द्रले आवश्यक परे आन्दोलनको बाटो खुला राख्दै व्याख्यात्मक टिप्पणीसहित सम्झौता पारित गराएको हो। “त्यो बेला कांग्रेसले एमसीसी जस्ताको तस्तै पास गर्न दबाब दिइरहेको थियो। एमालेको अडान त कांग्रेसभन्दा पनि कठोर थियो – फुलस्टप पनि परिवर्तन गर्न हुन्न भन्ने,” उनले भने। कार्यदलले दिएको चेतावनी लीलामणि पोखरेलद्वारा