९० हजार महिला र बालबालिकालाई जीवनरक्षक उपचारको खाँचो

संयुक्त राष्ट्रसंघको चेतावनी — कुपोषणका कारण मृतक संख्या १२२ पुग्यो काठमाडौं । युद्धको चपेटामा परेको गाजा पट्टीमा मानवीय संकट दिनानुदिन गहिरिँदै गएको छ। संयुक्त राष्ट्रसंघ अन्तर्गतको विश्व खाद्य कार्यक्रम (WFP) ले गाजाका तीनमध्ये एक जना नागरिक भोकै बस्न बाध्य भएको चेतावनी दिएको छ। डब्ल्यूएफपीद्वारा जारी विज्ञप्तिमा भनिएको छ, “कुपोषणको अवस्था भयावह हुँदै गएको छ, झण्डै ९० हजार महिला र बालबालिकालाई तत्काल चिकित्सकीय उपचार आवश्यक छ।” गाजामा हालसालै कुपोषणले झनै विकराल रूप लिएको अन्तर्राष्ट्रिय एजेन्सीहरूले जनाएका छन्। हमासद्वारा सञ्चालित स्वास्थ्य मन्त्रालयका अनुसार, गत शुक्रबार मात्रै कुपोषणका कारण थप ९ जनाको ज्यान