मलेसियाबाट सन्तानको साहाराकाे आशमा फर्किएका सुरेन्द्रको बाटोमै मृत्यु

रौतहट, साउन १४ – परिवारकाे पुनर्संयोजनकाे सपना बोकेर मलेसियाबाट घर फर्कंदै गरेका सुरेन्द्रबहादुर साहिको यात्रामा नियतिको यस्तो कठोर मोड आयो, जुन न त उनले सोचेका थिए, न त उनका सन्तानले। बाटोमै उनले ज्यान गुमाए। साहिले मलेसियामा मजदुरी गरेर कमाएको पैसाले आफ्ना तीन सन्तानलाई उज्यालो भविष्य दिने सपना देखिरहेका थिए। तर, मलेसियामा हुँदा उनको जीवनमा एक अर्को पीडादायी अध्याय सुरु भयो—उनकी श्रीमतीले तीन सन्तानलाई छाडेर अर्कैसँग विवाह गरिन्। सन्तानको अवस्था दिनप्रतिदिन बिग्रँदै गएको जानकारी पाएपछि साहि आफू काम गरिरहेको मलेसिया छोडेर नेपाल फर्किन लागेका थिए। तर दुर्भाग्य, उनी आफ्नो घर, आफ्ना