साँस्कृतिक धरोहरलाई नयाँ जीवन : गुफाडाँडामा झाँक्री नाच फेरि बाँच्न थाल्यो

सिन्धुपाल्चोक – लोप हुने अवस्थामा पुगेको सिन्धुपाल्चोकको मौलिक सम्पदा झाँक्री नाच फेरि बाँच्न थालेको छ। मेलम्ची नगरपालिका–९, गुफाडाँडाका झाँक्रीहरू आफ्नो परम्परा र पहिचान जोगाउन जुटिरहेका छन्। कुनै समय बिरामी निको पार्ने विश्वासका साथ गरिने यो नाच आज सांस्कृतिक मेला, पर्व र पर्यटन कार्यक्रमको मुख्य आकर्षण बन्न थालेको छ। गुफाडाँडाका हर्कबहादुर सिङ्देन भन्छन्, “गाउँमा आउने पाहुनालाई झाँक्री नाच देखाउँदा उनीहरूको हर्ष र कौतूहलले हाम्रो संस्कृति फेरि जीवित भएको महसुस हुन्छ।” झाँक्री नाच केवल परम्परागत नृत्य नभई अब स्थानीय आम्दानीको स्रोत र सामुदायिक गर्वको प्रतीक समेत बनिरहेको छ। गाउँमा आउने पर्यटकहरूले नाचको