सुन तस्करीमा जोडिएको ‘रेड ट्रेड’को ट्रयाक रेकर्ड : तीन महिनामा ३३ पटक के ल्यायो हङकङबाट?

काठमाडौं, ५ साउन : समय जम्माजम्मी ३ महिना। सामान आएको विवरण कूल ३४ पटक। त्यो पनि कुनै स्थलमार्गबाट नभई हवाई मार्गबाट। संकास्पद रुपमा निरन्तर सामान आयात गरेको ३४ पटकको पालीमा बल्ल समातियो रेड ट्रेडका नाममा आएका सामान।

सामान आएको विवरणमा उल्लेख थियो, स्कुटरको ब्रेक शु। तर ब्रेक शु फलाम तथा किटको थिएन। त्यहाँ थिए महँगो धातु सुन। त्यो पनि एक, दुई केजी होइन। एक क्वीन्टल। यसको अन्तिम गन्तव्य कहाँ थियो? अहिलेसम्म खुलेको छैन। आशंका चाहिँ भारत गरिएको छ।

३४औं पटक सामान ल्याएपछि एक क्वीन्टल सुन बरामद भएको घटनाले प्रश्न तेर्स्यायो– बाँकी ३३औं पटकसम्म के सामान आए? सामान आएको विवरणमा भने ब्रेक प्याड, ब्रके शु, दाह्री काट्ने मेसिनलगायत उल्लेख गरेको देखिन्छ। कहाँ गए ति सामान? र तिनमा सुन थिए/थिएनन् भन्ने यकिन हुन सकेको छैन।

गत चैत २१ गते आन्तरिक राजश्व कार्यालय महाराजगञ्जमा रेडी ट्रेड प्रालि कम्पनी दर्ता हुन्छ। एक महिनासम्म उक्त कम्पनीको नामबाट कुनै सामान आयात हुँदैन। वैशाख ११ गतेबाट साउन २ गतेसम्म भने उक्त कम्पनीको नाममा ३४ पटक सामान आएको रेकर्ड भेटिन्छ। प्रडक्टमा लेखिएको हुन्छ–कन्सोल। ३४औं पटकसम्म यही प्रडक्टको नामको सामान आयात गरिन्छ।

एक पटकमात्रै दुबईबाट आएको सामान भने कुरिअर लेखिन्छ। बाँकी ३३औं पटक हङकङबाट त्रिभुवन अन्तर्राष्ट्रिय विमानस्थल हुँदै भन्सार पास गरेर यी सामान बाहिरिन्छन्। एउटै कम्पनीको नाममा निरन्तर सामान आइरहनु शंकास्पद देखिए पनि यसमा भन्सारले कुनै चासो देखाउँदैन।

भन्सारले चासो नदेखाएको उक्त सामानबारे राजश्व अनुसन्धान विभागलाई सूचना पुगेपछि साउन २ गते आएको उक्त सामान भन्सार पास भएर ट्याक्सीमार्फत् बाहिरिँदै गर्दा बरामद हुन्छन्। करिब एक क्वीन्टल सुन बरामद भएका यी सामान भने एउटा सामान्य ज्यामीको नाममा दर्ता भएको कम्पनीमार्फत् आउँछन्।

यसरी सुन आएको कम्पनी रेडी ट्रेडको कार्यालय बुढानिलकण्ठ भनिन्छ। कम्पनीको प्यान नम्बर ६१०४७७९७३ छ। यो कम्पनी दोलखाका २१ वर्षीय दिलिप भुजेलको नाममा दर्ता छ। उनी साधारण ज्यामी काम गर्ने मान्छे हुन्। पछिल्लो समय भने उनी साँखुमा रहेको आफन्तको चाउमिन फ्याक्ट्रीमा काम गर्थे। उनी पक्राउ परेसँगै एक साधारण ज्यामीलाई प्रयोग गरेर कम्पनी खोलेर सुन तस्करी गरेको रहस्य खुलेको छ।

कम्पनी खोले बापत आफूले २० हजार रुपैयाँ पाएको र उक्त कम्पनीले के काम गरिरहेको छ भन्ने कुरा आफूलाई थाहासमेत नभएको उनको तर्क छ।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |