पहिरोको त्रासले २२ परिवारको बास विद्यालयमा : हेर्नुहोस पुरा समाचार

काठमाण्डौ ११ साउन । केही दिनयता सुदूरपश्चिमका पहाडी जिल्लामा निरन्तरजसो वर्षा भइरहेको छ। वर्षाले पहिरो आएपछि यहाँका अधिकांश ग्रामीण सडक अवरुद्ध भएका छन्। घरमाथिबाट पहिरो आउने त्रासले दुई गाउँका २२ परिवारको बास यतिबेला विद्यालयमा रहेको छ।

डडेलधुराको आलिताल गाउँपालिका–१ का दुई गाउँका स्थानीय पहिरोको त्रासले विद्यालय भवनमा रात कटाइरहेका छन्। आलिताल–१ को मालागाउँ र भोकागाउँका स्थानीय विद्यालयको भवनमा रात बिताइरहेका हुन्।

मालागाउँ र भोकागाउँमा बसोबास गर्ने २२ परिवार नजिकैको जनज्योति आधारभूत विद्यालय सियलामा बसिरहेको वडा नम्बर १ का अध्यक्ष यज्ञबहादुर देउवाले जानकारी दिए। एनले भने, ‘पहिरोको उच्च जोखिम भएको क्षेत्रमा बस्ने २ गाउँका जनतालाई हामीले विद्यालयमा बसाएका छौं।’

बस्तीमा वर्षाका कारण गाउँ माथिबाट पहिरो झरिरहेकाले ज्यान सुरक्षाका लागि स्थानीय प्रहरी चौकी र जनप्रतिनिधिको सहयोगमा नजिकै रहेको विद्यालयमा सारिएको हो। उनीहरू साउन ८ गते साँझदेखि सो विद्यालय बसिरहेका हुन्। ढुंगा खसिरहेकाले उद्धारका लागि विद्यालयमा राखिएको बताइएको छ।

२२ परिवारका १२८ जनालाई राहत स्वरूप चामल, दाल, तेल, तरकारी नुनलगायत खाद्य सामग्री वितरण गरिएको वडाध्यक्ष देउवाले बताए। आलिताल गाउँपालिका र वडा कार्यालयको तर्फबाट पहिलो चरणको खाद्यान्न सामाग्री वितरण गरिएको गाउँपालिका अध्यक्ष जगत पार्कीले बताए।

उनले भने, ‘जोखिममा रहेका परिवारलाई सुरक्षित स्थानमा सारेका छौं, राहतको व्यवस्था पनि गरेका छौं। पुरानै समस्या हो उनीहरुको समाधान गर्न धेरै प्रयास गरिएको छ।’ उक्त गाउँमा पहिरोको उच्च जोखिम रहेकाले समयमै परिवारलाई सुरक्षित स्थानमा सारिएको उनले बताए। वडाध्यक्ष देउवाले पहिरो पीडितहरूलाई आवश्यक थप राहतका लागि सहयोग गर्न सरोकारवाला सबै निकायलाई अपिल गरेका छन्।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |