विश्व हिन्दू परिषद युवा संघले गौ वंश हत्याकाण्डका हत्यारालाई सजायको माग गर्दै र्यालीको आयोजना ।

काठमाण्डौ, १३ भाद्र । मंगलबार विश्व हिन्दू परिषद युवा संघ रंगेलीले गोविन्द झा को संयोजकत्वमा गौ वंश हत्याकाण्डका हत्यारालाई सजायको माग गर्दै र्यालीको आयोजना गरेको छ ।
शान्तिपूर्ण वातावरणमा भएको उक्त र्यालीमा स्थानीय रंगेली बजारका महिला ,बुद्धिजिवी,ब्यापारी र संघ संस्थाका व्यक्तित्वहरु सहित दुईसय लगभगको उपस्थिति रहेको संघका सचिव पारस मण्डलले बताए ।

उक्त र्याली बेलुकाको ४ बजे रंगेली गौशालाको प्राङ्गणबाट आरम्भ भई रंगेली बजारको मूलबाटो हुँदै मकालु स्कूल,मालपोत कार्यालय र भोटुबाबु चौक हुँदै काली मन्दिरको प्राङ्गणमा कोण सभा गर्दै वक्ताहरुले आफ्ना मन्तव्य राखेका थिए । मन्तव्यमा रुपेश मण्डलले भने हरेक मानिसको आ-आफ्नो धर्म प्यारो हुन्छ ।

हिन्दु धर्मका व्यक्तिले आज सम्म अरु धर्मका व्यक्ति माथि ठेस पुग्ने काम गरेको छैन । तर आज धरानमा गौ हत्याको घटनाले जुन हामी हिन्दुहरु माथि आघात भएको छ कानूनको अबहेलना भएको छ सरकारले, प्रशासनले ती अपराधीहरुलाई कानूनको दारामा ल्याउनु पर्छ ।

आफ्नो मन्तव्यमा कैलाश मण्डलले भने हामी जन्म दिनेलाई मात्र आमा भन्दैनौं ,हरेक हिन्दू धर्मावलम्बी हरुको तीन वटा आमा हुन्छ । जन्म दिने त हाम्री आमा त हो नै,धरती पनि हाम्री आमा हुन् र हामी आमा बाहेक एक यस्तो जनावर जसको दूध खाएर हामी आज हस्ट पुष्ट बलवान छौं जसलाई हामी गौं माता भन्छौ ।

हाम्री गौमाता लाई केही दुराचारी ले नीर्मम हत्यागरी खान्छ र हामी चुप लागेर बस्ने छौ यो कदापि न सोच्नु पापी हौ भन्दै भावना व्यक्त गरे । विश्व हिन्दु परिषद विभाग मोरङका अध्यक्ष रमेश कुमार चापागाईले भने नेपालमा हामी हिन्दू र ओमकार परिवार गरी ९३% जनता हिन्दू गति विधिलाई मनने हुँदा हुँदैमा पनि हामी यो राष्ट्रियलाई हिन्दू राष्ट्र भन सकिरहेका छैनौ । हामी संगठित हुनु जरुरी छ ।

उनले किराती समुदायको कुरा राख्दै भने , किराँती हरूले पनि हाम्रो समर्थनमा आवाज उठाई रहेको छ । त्यसर्थ एउटा दुइटा राई ,किरातीहरुको गति विधी हेरी सम्पूर्ण किराँती हरुको बिरोध गर्नु गलत हुन्छ । संविधानको रक्षा होस् भन्ने कुरामा किराँतको पनि सहयोग रहेको छ !यस्तै मन्तव्य विश्व हिन्दु परिषद विभाग मोरङ जिल्ला सदस्य राजेन्द्र भट्टराईले पनि मतव्य व्यक्त गरेका थिए ।

उक्त र्यालीमा प्रमुख अतिथिमा विश्व हिन्दु परिषद विभाग मोरङका अध्यक्ष रमेश कुमार चापागाई,अतिथिमा जिल्ला सदस्य राजेन्द्र भट्टराईले , विश्व हिन्दु परिषद कोशीका सचिव नितेश कुमार , हीन्दू स्वयम सेवक नगर संचालक परशुराम ब्रह्मकुमारी ,हिन्दू स्वयम सेवक नगर संघ विस्तार चन्दन ठाकुर ,युवा समाज सेवी रुपेश मण्डल,दीपक ठाकुर रंगेली गौशालाका अध्यक्ष अमित अग्रवाल ,र विश्व हिन्दु परिषद युवासंघ विभाग रंगेलीका पदाधिकारी पारस मण्डल,विशाल मण्डल,सुरेन्द्र महतो लगायतका सदस्य हरुको साथै एकराज बस्नेतको उपस्थिति रहेको थियो ।
ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |

YouTube