दुखद : क्रिकेट कमेन्ट्रि गरेर संचारकर्ममा छिरेका एक संचारकर्मिको मोटरसाईकल दुर्घटनामा निधन ।

काठमाण्डौ, २५ भाद्र । सर्लाही : क्रिकेट कमेन्ट्रि गरेर संचारकर्ममा छिरेका एक संचारकर्मिको मोटरसाईकल दुर्घटनामा निधन भएको छ । सर्लाही जिल्लाको धनकौल ४ महिनाथपुर घर भएका २८ बर्षका अभिषेक यादवको मोटरसाईकल दुर्घटनामा परि ज्यान गएको हो ।

गएको शनिवार बागमतिमा भएको नेकपा माओवादी केन्द्र निकट दलित संगठनको प्रदेश भेलाको रिपोर्टिङ गरेर घर फर्किने क्रममा बरहथवा ८ टाँडी, गर्जाहा पुलमा यादव सवार मोटरसाईकल दुर्घटनामा परेको थियो ।

दुर्घटनामा परि टाउकोमा गम्भिर चोट लागी यादवलाई थप उपचारका लागी एलएस न्युरो अस्पताल कलैया लगीएकोमा उनको उपचारको क्रममा आईतबार दिउँसो ज्यान गएको ईलाका प्रहरी कार्यालय बरहथवाका डिएसपी लिलाराज लामिछानेले बताए ।

मृतक यादव सवार मधेश प्रदेश ०३–०२८ प ७४९६ नम्बरको मोटरसाईकलसँग बिपरित दिशाबाट आउँदै गरेको बिआर ३० एक्स ८९८८ नम्बरको भारतिय बिहारी नम्बर प्लेटको मोटरसाईकल ठोक्किएको थियो । यादव माओवादी केन्द्र निकट प्रेस सेन्टर जिल्ला समन्वय समिति सर्लाहीका सदस्य हुन ।

उनि जिल्लाका बिभिन्न रेडियोमा क्रिकेट प्रतियोगीताका बेला कमेन्ट्रि गर्थे भने बिभिन्न अनलाईन तथा पत्रीकाका लागी रिपोर्टिङको काम गर्थे ।

यादव सवार मोटरसाईकललाई ठक्कर दिने बिहारी नम्बर प्लेटको सवारी चालक बरहथवा १७ का ३७ बर्षिय रामजनक चौधरीलाई प्रहरीले मोटरसाईकलसहित नियन्त्रणमा लिएको छ । दुर्घटनामा सामान्य घाईते भएका चौधरीको स्थानिय मेडिकलमा उपचार गरिएको थियो ।

सर्लाही जिल्लामा हुने धेरै दुर्घनाहरुमा भारतिय तिब्र गतिमा गुड्ने सवारी साधनको संलग्नता बढि हुने गरेको ट्राफिक प्रहरीको तथ्यांक छ । भारतिय नम्बर प्लेटको सवारी साधनलाई नियमसंगत प्रयोग र नियमन गर्ने ट्राफिक प्रहरीको रणनिति भने सर्लाही जिल्लामा हालसम्म सफल हुन सकेको छैन ।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |