चाड पर्वलाई मध्यनजर गर्दै, मेलम्ची तालामाराङ हेलम्बु सडक खण्ड मर्मत गर्न नगरप्रमुख आइतमान तामाङको निर्देशन ।

काठमाण्डौ, २८ भाद्र । आउंदै गरेको माहान चाडलाई मध्यनजर गर्दै मेलम्ची नगरप्रमुख श्री आइतमान तामाङज्यू र प्रमुख प्रशासकीय अधिकृत श्री निमेष मिश्रज्यूले मेलम्ची तालामाराङ हेलम्बु सडक खण्ड निरीक्षण गर्नु भएको छ ।

निरीक्षण पछि प्रमुख तामाङले बर्षातका कारण केहि ठाउँमा सामान्य खाल्टा खुल्टी र हिलाम्मे देखिएकोले मर्मत गर्न निर्देशन दिइ सकेको बताउनु भयो । साथै पालिकाको अन्य स्थानहरुमा पनि विभिन्न कारणले सडक खाल्टाखुल्टी हुने र अवरुद्व हुने भएको बताउँदै ति समस्यालाई पनि सक्दो समाधान गर्ने गरेको बताउनु भयो ।

निरीक्षणका क्रममा योजना अधिकृत रामकुमार केसी, प्राविधिक शंकर गिरी र संचारकर्मीहरुको पनि सहभागिता रहेको थियो । मेलम्ची नगरपालिकाका प्रमुख आइतमान तामाङले मेलम्ची देखी तालामाराङ सम्मको सडक तत्काल मर्मत गर्न निर्देशन दिनुभएको छ । सडकमा आवतजावत गर्न धेरै समस्या भएको भन्दै गुनासो आएकाले तत्काल अवस्था हेरेर मर्मतको काम गर्न निर्देशन दिनुभएको हो ।

मेलम्ची हेलम्बु राजमार्ग अन्र्तगत मेलम्ची नगरपालिका भित्रपर्ने मेलम्ची तालामाराङ बर्षाका कारण हिलो,खाल्डाखुल्डी र सडकमा गेग्रान जमेर आवतजावतमा समस्या भएको स्थानियहरुले सामाजिक सञ्जाल मार्फत गुनासो गरेका थिए । गुनासो आउनेवित्तिकै नगर प्रमुखको ध्यानाकर्षण भएको प्रमुख तामाङका स्वकिय सचिव मानकाजि पाख्रिनले बताउनुभयो ।

बिहिबार नगरप्रमुख आइतमान तामाङ,प्रमुख प्रशासकिय अधिकृत निमेष मिश्र,योजना शाखाका प्रमुख रामकुमार केसी, इन्जिनियर शंकर गिरी लगायतले आज सो सडकको अनुगमन गर्नुभएको थियो । अहिले मेलम्ची फट्टेदेखि सडक सुधारको काम सुरु भइसकेको इन्जिनियर शंकर गिरीले जानकारी दिनुभयो ।

सघं र प्रदेश सरकारले बनाउन पर्ने सडक नबनाएपछि स्थानियको समस्यालाई मध्यनजर गर्दै नगरपालिका आफैंले मर्मतको काम सुरु गरेको नगर प्रमुख तामाङले बताउनुभयो । नगरपालिकाको अन्य सडकहरु नगरपालिकाले हेर्नेभएपनि मुख्य सडकमा सडक डिभिजन बाट काम हुनुपर्ने प्रमुख तामाङले बताउनुभयो ।

प्रमुख प्रशासकिय अधिकृत मिश्रले नगरपालिकाले तत्कालको समस्या मात्र समाधान गर्ने र यातायातका साधनहरु आवतजावतमा सहज बनाइदिने काम मात्र नगरपालिकाले गर्ने बताउनुभयो । सडक डिभिजनले गर्नुपर्नेकाम स्थानिय तहले गर्ननहुने भन्दै सडक डिभिजनसँग समन्वय गर्ने बताउनुभयो ।

ए हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यू ट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |