दुखद : भूकम्पका कारण घाइते भएका २३ वर्षीय निरोजको उपचारका क्रममा मृ;त्यु ।

काठमाण्डौ, २५ कार्तिक । : यही कात्तिक १७ गतेको भूकम्पका कारण घाइते थप एक जनाको उपचारका क्रममा मृत्यु भएको छ। रूकुम पश्चिमको चौरजहारी नगरपालिका– १ घारिगाँउका २३ वर्षीय निरोज विष्टको उपचारका क्रममा शुक्रबार मृत्यु भएको हो।

जिल्ला प्रहरी कार्यालय रूकुम पश्चिमका प्रहरी प्रवक्ता प्रहरी निरीक्षक धर्मेन्द्र खड्काका अनुसार घाइते विष्टको उपचारका क्रममा कर्णाली प्रदेश अस्पताल सुर्खेतमा मृत्यु भएको हो। विष्ट चौरजहारी नगरपालिकामा नगर प्रहरी थिए।

योसँगै जाजरकोटलाई केन्द्र बिन्दु बनाई गत शुक्रबार राति आएको भूकम्पमा परी रूकुम पश्चिममा मात्रै ५३ जनाको मृत्यु भएको छ। घाइतेमध्ये रूकुम पश्चिमका १९ जनाको सुर्खेत, बाँके र काठमाठौंमा उपचार जारी छ।

जिल्ला प्रहरी प्रवक्ता खड्काका अनुसार हालसम्म १८२ जना उपचारपछि घर फर्किसकेका छन्। पूर्ण रूपमा विवरण प्राप्त भइनसके पनि हाल यो जिल्लामा ६ हजार ४ सय ११ घरमा पूर्ण रूपमा क्षति भएको छ। आंशिक क्षति हुने घर ८ हजार १ सय ३८ र सामान्य क्षति भएका घर २ हजार २ सय ७९ रहेको उनले बताए।

भुइँचालोका कारण जिल्लाका १२ वटा प्रहरी कार्यालयमा क्षति पुगेको छ। हालसम्म ३ हजार १ सय १८ घर धुरीलाई त्रिपाल, कम्बल, खाद्यान्न लगायत राहत वितरण भइसकेको छ। ३१ घरधुरीलाई नगद राहत वितरण गरिसकिएको छ।

मृतकका परिवारलाई संघीय सरकारले प्रति व्यक्ति दुई लाख प्रदान गरेको छ। एउटै घरका एकभन्दा बढी व्यक्तिको मृत्यु भएको अवस्थामा एक जनालाई दुई लाख र अन्यलाई एक लाखका दरले राहत वितरण गरिएको प्रहरी प्रवक्ता खड्काले बताए।

त्यस्तै स्थानीय पालिकाहरूले पनि २५ हजार रूपैयाँका दरले मृतकका परिवारलाई नगद राहत प्रदान गरेका छन्। प्रदेश सरकारले वितरण गर्ने भनिएको नगद राहत पनि वितरण गर्ने तयारी रहेको प्रहरीले जानकारी दिएको छ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा डट कम र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |