नगरस्तरीय राष्ट्रपति रनिङ शिल्ड प्रतियोगितामा, इन्द्रेश्वरी विद्यालय प्रथम, नगरप्रमुख आइतमानद्वारा शिल्ड, पदक, प्रमाणपत्र प्रदान

काठमाण्डौ,१२ पुष । मेलम्ची नगरपालिका द्वारा आयोजित नगरस्तरीय राष्ट्रपति रनिङ शिल्ड प्रतियाेगितामा बिजेता खेलाडीहरुलाई नगरप्रमुख श्री आइतमान तामाङज्यूले बुधबार शिल्ड, पदक तथा प्रमाणपत्र प्रदान गर्नु भयो । उपप्रमुख उमा प्रधान, प्रमुख प्रशासकीय अधिकृत निमेष मिश्र, ।

वडाध्यक्ष, सुरक्षा निकायका प्रमुख, कार्यपालिका सदस्य र विभिन्न राजनीतिक दलका प्रतिनिधि लगायतको उपस्थिति रहेको उक्त फाइनल खेलमा ११ स्वर्ण ८ रजत र ९ कास्य पदक सहित इन्द्रेश्वरी माविले उपाधी जित्न सफल भएका छ्न ।

प्रतियाेगितामा ५ स्वर्ण ६ रजत र ५ कास्य पदक सहित शितलादेवी मावि मेलम्ची-१० दाेस्राे र ५ स्वर्ण ४ रजत र ४ कास्य सहित बालसुधार मावि दुबाचाैर तेस्राे बिजेता भएका छन । प्रतियोगितामा नगरभित्रका दुई संस्थागत र २२ सामुदायिक विद्यालय सहभागी रहेका प्रतियोगिता साेमबार नगरप्रमुख तामाङले उद्घाटन गर्नु भएकाे थियाे । प्रतियाेगितामा भलिबल, कराँते र एथलेटिक्सका ३७ खेल भएका थिए ।

विभिन्न ३७ विधामा भएको मेलम्ची नगरस्तरीय राष्ट्रपति रनिङ शिल्ड प्रतियोगितामा इन्द्रेश्वरी माध्यमिक विद्यालय पहिलो हुँदै उपाधी जित्न सफल भएको छ । बुधबार सम्पन्न प्रतियोगितामा ११ स्वर्ण पदक जित्दै इन्द्रेश्वरी उपाधी जित्न सफल भएको हो । इन्द्रेश्वरीले ८ रजत र ९ कास्य पदक जितेको थियो । इन्द्रेश्वरीले करातें विधामा मात्रै ७ स्वर्ण जितेको थियो ।

इन्द्रेश्वरीले छात्रातर्फको सटफुट, ८ सय मिटर दौड र हाइजम्ममा एकएक स्वर्ण, छात्र तर्फको ज्यावलिङ थ्रो मा १ स्वर्ण सहित कुल ११ स्वर्ण जितेको विद्यालयका खेल शिक्षक तुलसी तामाङले बताए । तीन दिनको खेलमा अन्तिम समयसम्म ४ स्वर्णमा चित्त बुझाएकोमा अन्तिममा भएको करातें खेलमा पाएको उच्च सफलताका कारण रनिङ शिल्ड उपाधि हात पार्न सफल भएको हो ।

प्रतियोगितामा ५ स्वर्णसहित ६ रजत र ५ कास्य पदक जितेर शितलादेवी माध्यमिक विद्यालय मेलम्ची – १० दोस्रो र बालसुधार मावि दुबाचौर ५ स्वर्ण ४ रजत र ४ कास्य पदक जितेर तेस्रो हुन सफल भएको मेलम्ची नगरपालिका शिक्षा युवा तथा खेलकुद विकास शाखा अधिकृत सुधिनराज बुढाथोकीले बताए ।

प्रतियोगितामा नगरभित्रका दुई संस्थागत सहित २२ विद्यालयको सहभागिता थियो । समापनको दिन आयोजित भलिबल प्रतियोगितामा जनता माध्यमिक विद्यालय ज्यामिरेलाई हराउँदै बालसुधार माध्यमिक विद्यालय दुवाचौर पहिलो भयो । त्यस्तै मेलम्ची कम्युनिटी इङलिस स्कुल मेलम्ची लाई हराउँदै तेर्से माध्यमिक विद्यालय तालामाराङ तेस्रो भयो ।

कार्यक्रम समापनका अवसरमा नगरप्रमुख आइतमान तामाङ, उपप्रमुख उमा प्रधान, प्रमुख प्रशासकीय अधिकृत निमेष मिश्र लगायतले विजयी खेलाडीहरुलाई बधाई तथा शुभकामना ब्यक्त गर्दै शिल्ड र मेडल प्रदान गरेेका थिए ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |