महानगर प्रमुख बालेन र शिक्षा बिभाग प्रमुखको कार्वाहीको बिषयलाई लिएर कार्यपालिका बैठकमा चर्काचर्की

काठमाण्डौ, २ फागुन । काठमाडौं महानगर प्रमुख बालेन्द्र शाह (बालेन) र कार्यपालिका सदस्यहरुका बिच शिक्षा बिभाग प्रमुखको कार्वाहीको बिषयलाई लिएर कार्यपालिका बैठकमा चर्काचर्की भएको छ। मंगलबारको नगर कार्यपालिका बैठकमा महानगर प्रमुख बालेनले शिक्षा विभाग प्रमुख सीताराम कोइरालाको कारबाही गर्ने प्रस्ताव ल्याएपछि कार्यपालिका सदस्यहरुले असहमती जनाएका थिए।

बालेनले यस अघि नै महानगरका अनुसार कोइरालाले महानगरको शिक्षा समितिसँग समन्वय नगरी वडा नम्बर १० स्थित रत्न राज्य स्कुललाई विज्ञान संकाय सञ्चालन गर्न अनुमति दिएको भन्दै स्पष्टिकरण सोधेका थिए।

शिक्षा समितिबाट निर्णय नभई अनुमति दिएको भन्दै माघ १२ गते महानगरले सोधेको स्पष्टीकरणको जवाफ दिदै कोइरालाले आफूले गल्ती गरेको स्वीकार गरेका थिए। कोइरालाले गल्ती स्वीकार गरेर स्पष्टीकरण दिएकाले उनलाई कार्वाही गर्नुपर्ने प्रस्ताव प्रमुख बालेनले ल्याएपछि कार्यपालिका सदस्यहरु कोईरालाको पक्षमा लागेका थिए।

महानगरका प्रवक्ता समेत रहेका १७ का वडाध्यक्ष नवीन मानन्धरले रत्न राज्यलाई विज्ञान संकाय सञ्चालन गर्न अनुमति दिने निर्णय कोइरालाको समयमा नभएको बताउदै कर्मचारीलाई कार्वाही गर्ने बिषयमा गम्भिर हुन र जागिर धरापमा पार्ने बिषयमा सहानुभुती समेत देखाउन आग्रह गरेका थिए।

मानन्धरले नियतवश वा नियोजित कुन ढंगबाट गरिएको हो? होइन भन्नेबारे अनुसन्धान गरि अध्ययन गरेर मात्रै अघि बढ्नुपर्छ, आग्रह गरेपछि कार्यपालिका सदस्यहरु अनिता कार्की, वडा नम्बर १० का अध्यक्ष रामकुमार केसी लगायतले शिक्षा बिभाग प्रमुख कोईरालाको बचाउ गरेका थिए।

उनीहरुले मानिसको काममा कहिलेकाहीँ प्राविधिक त्रुटि हुने भन्दै कर्मचारीको भाग्य र भविष्यमा फैसला गर्ने अधिकार कार्यपालिकाले लिँदा कर्मचारीमा मनोवैज्ञानिक असर पर्ने कुरामा ध्यान दिन अग्रह गरेका थिए।

कार्यपालिका बैठकमा बहुमत सदस्यहरुले अनुसासन समितीमा पठाउनु पर्ने अडान लिएपछि रुष्ट महानगरप्रमुख शाहले फेसबुकमा लेख्दै कार्यपालिकामा वडाध्यक्षहरूको आफ्नो पार्टीका कर्मचारीलाई बचाउने खेल खेलेको आरोप लगाएका छन्।

उनले लेखेका छन्, : कर्मचारीबाट के गलत भएको हो भन्ने पनि थाहा छ। कर्मचारी स्वयंले मैले गलत गरेको हो भनेर लिखित रूपमा स्वीकारेको पनि थाहा छ। यति हुँदाहुँदै पनि अब के गर्ने भनेर कार्यपालिकाबाट अगाडि बढ्न रोक्नुको अर्थ हो, वडाध्यक्षज्यूहरूको आफ्नो पार्टीको कर्मचारीलाई बचाउने खेल!

त्यस्तै पार्टीका कर्मचारीलाई बचाउन जुन हदसम्म पनि जान सक्ने जनप्रतिनिधिहरूले स्थानीय सरकारको मर्म आत्मसात गर्ने कुरा मान्न नसक्ने पनि उनले बताएका छन्।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |