आफ्ना ४ प्रदेशका महामन्त्री हटायो रास्वपाले

काठमाण्डौ १६ फागुन । आफ्ना ३ वटा प्रदेशका महामन्त्री हटाएको राष्ट्रिय स्वतन्त्र पार्टी (रास्वपा) ले कोशी प्रदेशका महामन्त्री लालबिक्रम थापालाई निलम्वन गरेको छ। रास्वपाले बागमती प्रदेशकी महामन्त्री जिता बरालले कार्य व्यस्ततालाई कारण देखाउँदै महामन्त्रीको भूमिकाबाट बिदा भएकी छन्। उनी गएको प्रतिनिधि सभा निर्वाचनमा चितवन निर्वाचन क्षेत्र नम्बर ३ मा उम्मेदवार भएकी थिइन्।

सुदूरपश्चिमका महामन्त्री भोजराज जोशीले पनि आफैं बिदा लिएका छन् उनी केन्द्रीय विधेयक मन्थन विभागका सदस्य समेत थिए। सुदूरपश्चिम र बागमती प्रदेशका महामन्त्रीहरूले कार्यव्यस्तताका कारण आफू पदमा बसिरहन नसक्ने भन्दै भूमिकाबाट अलग भएको पार्टी सहमहामन्त्री कविन्द्र बुर्लाकोटीले बताए। पार्टी गठन हुँदा पद ओगट्ने तर तदनुरूपको जिम्मेवारी वहन गर्न नसक्ने प्रवृत्ति देखिँदो रहेछ उनले भने।

कोशी प्रदेशका महामन्त्री लालविक्रम थापाले इटहरी उपमहानगरपालिका वडा नम्बर ९ स्थित जनता माध्यमिक विद्यालयको नाममा रहेको जग्गा भोगचलन गरेर भाडा नतिरेको विषय बाहिर आएकाले निलम्बन गरिएको बुर्लाकोटीले बताए।

उहाँको विषय अध्ययन गरेर प्रतिवेदन बुझाउन प्रदेश सभापतिलाई जिम्मा दिएका छौं। यो विषय निरूपण नहुँदासम्म उहाँलाई निलम्बन गरिएको हो, बुर्लाकोटीले भने। थापा प्रतिनिधि सभाको निर्वाचनमा सुनसरी निर्वाचन क्षेत्र नम्बर २ बाट उम्मेदवार समेत थिए।

गण्डकी प्रदेशका महामन्त्री अशोक खड्का भने कार्यसम्पादन मूल्यांकनमा कमजोर ठहरिएको बुर्लाकोटीले बताए। हामीले मातहतका कमिटीको नियमित कार्यसम्पादन मूल्यांकन गरिरहेका छौं, उनले भने, यसमा कमजोर देखिएपछि उहाँलाई हटाइएको हो।

यस्तै रास्वपाले कर्णाली प्रदेशको कमिटी नै विघटन गर्ने निर्णय गरेको छ। गत फागुन ६ गते बसेको सचिवालय बैठकले कर्णालीको प्रदेश कमिटी विघटन गरेर तीन महिने विशेष अभियान चलाउने निर्णय गरेको थियो। त्यहाँको प्रदेशदेखि जिल्ला हुँदै वडा तहको सम्पूर्ण संरचना विघटन गरिएको सहमहामन्त्री बुर्लाकोटीले जानकारी दिए।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |