बालेन शाहले बढी ब्याजको लोभमा सहकारीमा लामो समय सम्म अत्यधिक बचत नगर्न बचतकर्ताहरुलाई आग्रह गरे

काठमाडौं,१८ फागुन । काठमाडौं महानगरपालिकाका प्रमुख बालेन शाहले बढी ब्याजको लोभमा सहकारीमा लामो अवधिको अत्यधिक बचत नगर्न बचतकर्ताहरुलाई आग्रह गरेका छन् । पछिल्लो समय सहकारीमा नागरिकहरु ठगिने क्रम बढेसँगै उनले बचतकर्ताहरुलाई सचेत गराएका हुन् ।

उनले सामाजिक सञ्जाल फेसबुकमार्फत लेखेका छन्, ‘सहकारी संस्थाहरु बैंक होईनन् । यी संस्थाहरु सदस्यहरुद्वारा प्रजातान्त्रिक नियन्त्रण हुन्छन् । सहकारी सुशासनकालागि सदस्यहरुको निरन्तर निगरानी आवश्यक छ ।’

मेयर शाहले सहकारी संस्थाको साधारणसभामा अनिवार्य उपस्थित समेत सदस्य/ बचतकर्ताहरुलाई आग्रह गरेका छन् । संस्थाको कारोबारको बारेमा नियमित रुपले जानकारी लिन समेत उनले सचेत गराएका छन् । साथै नियमित साधारण सभा नगर्ने सहकारीहरुको बारेमा विभागमा जानकारी गराउन आग्रह गरेका छन् ।

सदस्य/बचतकर्ताहरुलाई अनुरोध: सहकारी संस्थाहरु बैंक होईनन् । यी संस्थाहरु सदस्यहरुद्वारा प्रजातान्त्रिक नियन्त्रण हुन्छन् । सहकारी सुशासनकालागि सदस्यहरुको निरन्तर निगरानी आवश्यक छ ।

सहकारी संस्थाको साधारण सभामा अनिवार्य उपस्थित हुनुहोला । संस्थाको कारोवारको बारेमा नियमित रुपले जानकारी लिनुहोला । — नियमित साधारण सभा नगर्ने सहकारीहरुको बारेमा विभागमा जानकारी गराउनुहोला । — सञ्चालक समितिका पदाधिकारीहरुको आनीबानी र इमान्दारिताका बारेमा नियमित जानकारी लिनुहोला ।

बढी ब्याजको लोभमा लामो अवधिको अत्यधिक बचत नगर्नुहोला । — सहकारी संस्थाका बारेमा अतिरञ्जित हल्लाका पछाडि मात्र नलागी यथार्थ अवस्था बारे जानकारी लिनुहोला ।
कार्यक्षेत्रभन्दा बाहिर गएर कार्य गर्ने संस्थासँग कारोवार नगर्नुहोला ।

सञ्चालक समितिका पदाधिकारीहरुको पहिचान गरेर मात्र संस्थासँग कारोवार गर्नुहोला, नियमित संवाद र सम्पर्क राख्नुहोला । — आवधिक बचत जम्मा गर्दा जिम्मेवार पदाधिकारीको हस्ताक्षरयुक्त कागजातसहित निक्षेप निस्सा लिनुहोला । — ऋण लिँदा सेवा शुल्क र ब्याज रकम यकिन गरी सम्झौता गरेर मात्र ऋण लिने र समयमा नै तिर्ने बानी बसाल्नुहोला ||

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |