राजनीतिमा छट्टुहरू हाबी भए : कांग्रेसका महामन्त्री गगनकुमार थापा

काठमाण्डौ, १५ चैत्र । काठमाडौंमा आयोजित ‘नेपालको लोकतान्त्रिक आन्दोलन र नविन्द्रराज जोशी’ विषयक अन्तरक्रिया कार्यक्रममा बोल्दै कांग्रेसका महामन्त्री गगनकुमार थापाले राजनीतिमा छट्टुहरू हाबी भएका छन् भन्दै यस्तो अभिव्यक्ति दिएका छन् । उनले यसो भनि रहदा उनले रास्वपाका नेताहरुलाई लक्षित गर्दै भनेको भनेर सामाजिक संजालमा उनको आलोचना भैरहेको छ ।

महामन्त्री गगनकुमार थापाले नेपाली राजनीतिमा छट्टुहरू हाबी हुने थालेको टिप्पणी गरे, उनले मुलुकलाई छट्टु भन्दा पनि गति र मति दुवै भएको नेताहरु जरुरी रहेको सुनाए। झुक्क्याउने खालको छट्टुहरू नेपाली राजनीतिले नचाहेको महामन्त्री थापाको भनाई थियो।

रास्वपा नेताहरुप्रति लक्षित गर्दै महामन्त्री थापाले मुलुकमा छट्टुहरू राजनीतिमा आउने र ‘लटरपटर’ पार्ने काम सुरु गरेको आरोप समेत लगाए। गति र मति दुवै भएको मान्छे चाहियो। मति छ गति छैन, गति छ, मति छैन। हामीलाई त गति र मति दुई वटै चाहियो। किनकि यो बेलामा हामीले मति पनि ठिक राख्नुपर्नेछ।

हामीले आफ्नो घरभित्रको फोहोर पनि ठिक गर्नुपर्नेछ। हाम्रो घरभित्र फोहोर छ, सफा गर्नुपर्नेछ। हाम्रो कतिपय ठाउँमा मति बिग्रेको छ। त्यसलाई ठिक गर्नैपर्छ। राजनीतिमा छट्टुहरू हाबी हुन थाले। छट्टुहरू त आउँछ, लटरपटर पार्छ। झुक्याउँछ। अलपत्र यसो रङरोगन गर्छ,जान्छ । हामीलाई छट्टुहरू चाहिएको होइन।

हामीलाई धैर्यता भएको, धैर्यताको अर्थ केही पनि नगर्ने मान्छे पनि होइन। हामीलाई गति भएको मान्छे पनि चाहियो।महामन्त्री थापाले कांग्रेस भित्र पनि मति बिग्रेका नेताहरु भएको भन्दै त्यसमा सुधार गरेर अघि बढनुपर्ने स्वीकार गरे ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |