मधेशमा नया सरकार बनाउने तयारी, मधेशका राजनितिक दलहरु सक्रिय देखिए

काठमाण्डौ, १८ जेष्ठ । जनमत पार्टीको नेतृत्वमा रहेको मधेस सरकारलाई बिस्थापित गर्ने योजना अलपत्र परेपछि मधेशका राजनितिक दलहरु सक्रिय देखिएका छन्। गएको बैसाख २९ गते मधेस प्रदेश सरकारबाट एमाले र माओवादी केन्द्र बाहिरिएपछि अल्पमतमा रहेका मुख्यमन्त्री सरोजकुमार यादवले जेठ २३ गते विश्वासको मत लिने तयारी गरेका छन्।

जसपा नेता यादव नेतृत्वको सरकारमा एकीकृत समाजवादीले साथ दिई रहेको छ। एकीकृत समाजवादी संसदीय दलका नेता गोविन्दबहादुर न्यौपाने भूमि व्यवस्था, कृषि तथा सहकारी मन्त्री र बेची लुंगेली श्रम तथा यातायात मन्त्री छन्।

१०७ सदस्यीय प्रदेशसभा सदस्य रहेको मधेस प्रदेशमा एकीकृत समाजवादी निर्णायक छ। तर सत्ता साझेदार दलहरुले उसको सहभागीता बिनै प्रदेशमा जनमत पार्टीको नेतृत्वमा सरकार बनाउने तीन दलबीच सहमति गरेका छन्।

सहमति पत्रमा एमाले संसदीय दलका नेता सरोजकुमार यादव, जनमतका संसदीय दलका नेता महेश प्रसाद यादव र माओवादी केन्द्रका संसदीय दलका नेता भरत प्रसाद शाहले सहमति पत्रमा संयुक्त हस्ताक्षर गरेका हुन्। एमालेका संसदीय दलका नेता सरोजकुमार यादवले सहमति भएको बताए।

बिहीबार साँझ जनकपुरमा नेकपा एमाले, जनमत पार्टी, नेकपा माओवादी, लोकतान्त्रिक समाजवादी पार्टी नेपाल र एकीकृत समाजवादी दलको सहभागितामा जनमत पार्टीको नेतृत्वमा सरकार बनाउने बताए पनि लोसपा र एकीकृत समाजवादीको सहमति पत्रमा हस्ताक्षर छैन।

‘सरकारमा सहभागी भएका दलहरूका बीचमा आपसी सहमतिमा मन्त्रालय बाँडफाँट गर्ने तथा नयाँ संयुक्त सरकार गठन प्रक्रियामा सकारात्मक अन्य दलहरूसँग पनि संवाद अघि बढाउने निर्णय भएको छ,’ सहमतिपत्रमा भनिएको छ।

१०७ सदस्यीय प्रदेश सभामा जनता समाजवादी पार्टी, नेपालसँग १९ सांसद छन्। कांग्रेसका २२, लोकतान्त्रिक समाजवादी पार्टीका ८ र एकीकृत समाजवादीका ७ सांसदले समर्थन गर्दा जसपा, नेपालसँग ५६ मत हुन्छ। सरकार जोगाउन ५४ सांसदको समर्थन आवश्यक पर्छ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |