वडा नम्बर १० मा बन्ने भयो २ करोड,१३ लाख लागतमा स्वास्थ्य चौकी भवन: नगरप्रमुखद्वारा शिलान्यास सम्पन्न

काठमाण्डौ,४ असार । मेलम्ची नगरपालिका वडा नम्बर १० मा स्वास्थ्य चौकी भवनको शिलान्यास गरिएको छ । आज एक कार्यक्रमका बिच मेलम्ची नगरपालिकाका प्रमुख आइतमान तामाङले भवनको शिलान्यास गर्नुभएको हो । शिलान्यास गर्दै नगर प्रमुख आइतमान तामाङले संरचना र सेवा दुवै कुरालाई संगसंगै लैजानुपर्ने बताउनुभयो ।

समृद्ध मेलम्ची बनाउनको लागि स्वास्थ्य क्षेत्रको विकास गर्दै जानुपर्नेमा उहाँले जोड दिनुभयो । स्वास्थ्य चौकीको लागी अपुग रकम नगरले थपेर सुविधा सम्पन्न भवन निर्माण गरि सेवा प्रवाह गर्ने मेयर तामाङको भनाई छ । स्वास्थ्य चौकीमा ल्याव टेस्ट, बर्थिङ सेन्टर लगाएतको सुविधा दिईने नगर प्रमुख तामाङले जानकारी दिनुभयो ।

यो स्वास्थ्य चौकी निर्माण सम्पन्न पश्चात नागरिकलाई ठुलो राहत मिल्ने वडा अध्यक्ष अमृत खनालले बताउनुभयो । स्वास्थ्य चौकी मात्र नभई वडामा भौतिक संरचना तथा सामाजिक विकासका कामहरू भईरहेको वडा अध्यक्ष खनालले जानकारी दिनुभयो ।

कुल ३ करोड १७ लाख ७२ हजार २४३ मा टेन्डर आव्हान भएकोमा २ करोड १३ लाख ३९ हजार हजार ९८९ रूपैंयामा ठेक्का लागेको हो । कर्मचारी आवास २ कोठा, बर्थिङ्ग सेन्टर, ६ कोठा तल्लो तलामा, सरूवा रोगको उपचारका लागि छुट्टै कक्ष, क्लिनिक लगाएतको संरचना तयार हुने मेलम्ची नगरपालिकाका ईन्जिनियर सन्तोष थापाले जानकारी दिनुभयो ।

रूक्मिनि ईन्जिनियरिङ एण्ड कन्ट्रक्सन प्रा.लि भक्तपुरले २०८० फागुन २८ देखि १८ महिनाको अवधिमा भवन निर्माण सम्पन्न गर्ने प्रबन्ध निर्देशक केदार दुलालले बताउनुभयो । अपांगमैत्री र बालमैत्री भवन सम्झौता अवधिभरमा सम्पन्न गर्ने उहाँले जानकारी दिनुभयो । शिलान्यास कार्यक्रममा पूर्व वडा अध्यक्ष भक्त बहादुर खड्का, समाजसेवी, राजनीतीक दलका प्रतिनिधि, सञ्चारकर्मी लगाएत स्थानियको सहभागिता रहेको थियो ।

हजुर कता ? रमाईलो तथा मनोरंजन’ भिडियोहरु एता chiranjivi bhandari youtube च्यानलमा जोडिनुहोला है हजुर’ ? साथै सम्पूर्ण समाचार’को लागि फेसबुक पेज Cb Nepal मा र रमाईलो कुरा फेसबुक पेज र cbnepal यूट्यूब च्यानलमा पनि जोडीनुहोला नबिर्सिकन है हजुर ?’ तपाइहरुलाई मनोरंजन सहित पलपलको सुचना तथा समाचार दिने हाम्रो प्रयास’ आउनुहोस काँधमा काँध मिलाई हातेमालो गरौँ |